ஆதீபிதேசப் படலம்

கலி விருத்தம்

     பருத்த அடியினையுடைய ஒற்றைமா நிழலில் எழுந்தருளியுள்ள
திருவேகம்பப் பெருமான் விரும்பி யுறைகின்ற பராசரேசம் என்னும்
தலத்தினைப் பற்றிப் பேசினோம். திருமகள் நாயகன் வணங்கிய பசிய
சோலையில் உள்ள விளக்கொளிப் பெருமான் வரலாற்றை வினையாகிய
தொடக்குப் பொடிபட ஓதுதலைச் செய்வாம்.

     ‘அன்னத்தை வாகனமாக உடைய பிரமன் வேள்வியை அழிப்பேன்’
என்று மதித்துச் சரசுவதி நதி வடிவு கொண்ட நாளில் உமையம்மையை
இடங்கொள் கண்ணுதலோன் திருஆணையின் வெள்ளம் வருமுன் எதிர்
சென்று திருமால் தடுத்தல் செய்தனன்.

     பல விடங்களிற் சென்று தடுத்தும் மடங்காது பொங்கி எழுந்த
வேகவதி என்னும் புதிய நதி நடு இரவில் உயர்ச்சி மிகு காஞ்சிநகர்க்கண்
அச்சந்தோன்றத் தோன்றலும் பாஞ்ச சன்னியத்தைக் கைக்கொண்ட திருமால்
உள்ளம் சோர்ந்து அழிவெய்தி,