அறம், பொருள், இன்பம், வீடென்னும் நூற்பயனையும் உதவும் நான்கு
தீர்த்தங்களைக் கொண்ட இத்தீர்த்தம் இயையுமாறு எல்லா மாதங்களிலும்
சிறந்ததே ஆயினும் பெரிதும் சிறப்புறும் வைகாசி, மாசி, கார்த்திகை, ஆடி
மாதங்கள், இம்மாதங்களிலும் கார்த்திகை மாதமும் அம்மாதத்துள் வரும்
ஞாயிற்றுக்கிழமைகளும் அவற்றினும் மிக்கனவாம்.

     ஞாயிற்றுக்கிழமை வைகறைப் போதில் அந்நீரில் மூழ்கினோர்
யாவராயினும் அவர் பெறும் பேற்றினை யாவர் கூறும் பான்மையர். தானம்
கொடுத்தலும், நீர் மூழ்கலும், வேள்வியியற்றலும், மந்திரம் செபித்தலும்
அத்தீர்த்தத்தோடு தொடர்புறுமேல் பயன் ஏனைய இடங்களினும் மிகும்.

     ’ஆதலான், அத்தீர்த்தத்தில் நீராடி அரிய திறத்தானும் கொலை
எய்தாத சிறப்பினைக் குற்றமறப் பெறுக’ என்றெடுத்தோதி ‘மிருத சஞ்சீவினி’
என்னும் மேன்மை யமைந்த மந்திரத்தினையும் அருளொடுஞ் செவி
யறிவுறுத்துச் சுக்கிரன் ததீசியைச் செலுத்தக் குற்றமற்ற அத்ததீசியும் மகிழ்ச்சி
மீக்கூர்ந்து காஞ்சிமா நகரைச் சேர்ந்தனன். ததீசிமுனிவர் வச்சிர யாக்கை
பெறுதல்