ஓரிடத்தில் ஈன்ற தன் குட்டிகளைப் பல்வேறிடங்களில் கொண்டு
போய்வைத்துக் காக்கும் பூனைபோல உழவர் ஓரிடத்து வித்திய நாற்றுக்களை
பல்வயல்களிலும் நடவு செய்வர்.

     சீருடைப்பணை-பதப்படுத்தவயல், கை-சிறிய, நாறுதல்-முளைத்தல்.

     மரகதம் தழைத்த தென ஒளிகிளர் பசிய பயிர் செறிந்த வயலில்
சங்குதவழ்தல், கார்காலத்துச் சந்திரன் நீர் கொண்டு நிறைந்த மேகத்திடைப்
புகுந்து செல்லும் காட்சியை ஒக்கும்.

     உழவர், களையைக்களையும் காலத்தை உணர்த்தலும், உழவர் பெண்டிர்
பலரும் உள்ளம் மகழிச்சி மிக, இளமயில் வயலைக்காண வந்தாற்போல
வளம்மிக்க வயல்கள்தொறும் வந்து சூழ்வார்.

     தாமரை, நீலோற்பலம், செவ்வல்லி முதலியவற்றின் மலர்களின்
புதல்களே களைகளாக முற்றப்பறித்த தம் வடிவில் உள்ள முகம், கண்,
வாய் முதலியன பெரும் புனலில் தோன்றலும் பறித்தவை தொடர்ந்து
மீளவும் முளைப்பதும் என்னே என வியப்பர் உழத்திமாருட்சிலர்.

     இவை யன்றி வேறுகளையில் எனவும், மகளிர் உறுப்பனைத்தும்
மலர்கள் எனவும் பெறவைத்தனர்.