வயிரவேசப் படலம்

கலி விருத்தம்

     வச்சிராயுத னாகிய இந்திரன் வணங்கிக் கொடுந் துன்பமாகிய
வன்மையைப் போக்கும் வன்மீகநாத வரலாற்றைக் கூறினோம். அதற்குத்
தெற்கில் வைரங்கள் பதிக்கப்பெற்ற மாளிகைகள் சூழ்ந்த வயிரவேச்சர
வழக்காற்றினைக் கூறுவோம்.

பிரமன் செருக்கு

     மேருமலையின் சிகரத்தில் முஞ்சமான் என்னும் பரந்த உயர்ந்த
மலையிடை விரதத்தான் உண்டி சுருக்கியோர்சிலர் நல்லியல்பில் தவஞ்
செய்கையில் வலிமை அமைந்த அன்ன ஊர்தியோனாகிய பிரமன்
அருளினால் அவர் முன் எய்தினான்.

     ஐந்து முகத்தொடும் அங்கு வந்து தோன்றின பிரமனின் திருவடி மலர்
இரண்டனையும் பணிந்தனர்; தோத்திர ஒலியுடன் வலம் வந்து கையால்
தொழுது கோபத்தை நீக்கினவர் இதனை வினாயினர்.

     கதம் கூறவே காமமும், மயக்கமும், நீக்கினவர் என்க.