விடுவச்சேனேசப் படலம்

கலிநிலைத் துறை

     மலர்களைக் கொண்டுள்ள சோலைகள் சூழ்ந்த குளிர்ந்த காஞ்சிமா
நகரில் அழகிய வளமமைந்த வயிரவேசத் திருக்கோயிலை வகுத்துரைத்தனம்.
தோற்றமும் அழிவுமில்லாத சிவபிரான் விரும்பி எழுந்தருளி அருள்
செய்கின்ற அத்தலத்திற்குத் தெற்கில் மேன்மை பொருந்திய விடுவச்
சேனேச்சரத்தை விளம்புவாம்.

திருமால் சக்கரம்இழந் தயர்தல்

     கொடிய செயலையுடைய தக்கனது யாகம் முற்றுறா தழிந்த நாளில் 
திருமால் சந்திர மௌலியர் திருத்தாட் டுணைகளைத் துதித்து விடைபெற்று
அழகிய தண்ணிய விரசை யாற்றினைக் கடந்து வைகுந்தத்தை அடைந்த
பின்னர் அழகிய பொன்னாலியன்ற ஆசனத்தில் ஏறியிருந்திதனை
ஆராய்ந்தனர்.

     தன்னொடு மாறுபடாத அறிவினையுடைய விடுவச் சேனன் முதலான
மந்திரித் தலைவர் தமக்கு நிகழ்ந்ததை விரித்துரைத்துக் கவலை யெய்தினர்.
‘தலைமை பூணும் அரக்கரையும், அசுரரையும் போர்க்களத்திற் கொன்று
நல்லோரை இவ்வுலகங்கள் முற்றவும் காத்தல் எனக்குரிய தொழிலாகும்’.

     ஆல், தேற்றமும், இரக்கமும் குறித்து நின்றது.