ஆதிசேடனைப் படுக்கையாகக் கொண்டமாயன் கண்டனன்; வருத்த
முழுதும் விடுத்தனன்; இறுகப் புல்லிக் கொண்டனன்; அதிசயம் மேன்
மேற்கொண்டனன்; அமைச்சர் பாரத்தைப் பூண்டுள்ள விடுவச்சேனர்க்குத்
தேவர் போற்றும் சேனாதிபதித் தலைமையையும் அன்றே அளித்தனன்.

விடுவச்சேனன் விண்டுவினிடத்தில் வரம்பெறல்

     ‘அழித்தலையுடைய வீரபத்திரர்பாற் சென்று தெய்வத்தன்மையுடைய
சக்கரத்தைப் பெற்ற தெங்ஙனம்’ கூறுக என்னுந் தலைவராகிய விட்டுணுவிற்கு
அங்கு நிகழ்ந்த செய்திகள் முழுவதும் கூறினான் படைத்தலைவனாகிய
விடுவச்சேனன், விருப்பம் மிகக்கேட்டு,

     திருமுக மலர்ந்து ‘பேசப்பெறும் அவ்விகட க் கூத்தைத் தேவர்
தம்மில் மிக்கோனே! எம்மெதிர் நடாத்துக’ என்று கூற, அழிக்கின்ற
பெரும்படைச் சேனாதிபதியும் சீரிய சபையின்கண் திருமால் திருமுன்பு
அக்கூத்தினை இயற்றினன்.

     மாயவனார் கண்டு வியந்து கூறுவார்; எழுச்சி மிகும் ஆற்றலை
யுடையோனே!  மனமும், கண்களும் களிப்பு மிக அதிசயிக்கத்தகும் இவ்
விகடக்கூத்தைக் காணில் தம் வயமிழந்து மிகப்பெரு மகிழ்ச்சியில் மூழ்காதார்
யாவரே!