மலைகளை எல்லாம் மண்ணில் விழச்செய்து இந்திரன் தனது
ஊர்தியாகிய மேகங்களைச் செலுத்தி அவற்றை மிதித்துத் தண்டித்தல்போல
வலிமையையுடைய மருதநிலத்து மக்கள் இட்ட பல நெற்போர்களைச் சரித்து
எருமைக்கடாக்களை ஒன்றொடொன்று பிணைத்து மிதிப்பிப்பாராயினர்.

     நெல், வை(வைக்கோல்) யினின்றும் நீங்கியவோ என்று பன்முறையும்
முகத்தை வளைத்துப் பார்ப்ப போலப் பொலிவு பெற வாயா லழகிய
நெற்கதிர்களைக் கவ்விக்கொண்டு நெற்போர்களை எருமைக் கடாக்களின்
கூட்டம் சுற்றிக் கலக்கா நிற்கும்.

     சொல்-நெல். பலாலம்-வை.

     உடலினின்றும் ஆவி பிரிந்தமையால் பிராரத்த கன்ம சம்பந்தமும்
அந்த அளவில் நீங்குதல் போலத், தொகுத்த நெற்போர்த் தொகுதியில்,
நெற்குவியல் வைக்கோலின் நீங்கக் கடாவினம் முழுதும் பிணிப்பினின்றும்
நீங்கி அகலும்.

     வைக்கோலினின்றும் நெல்லை யகற்றிக் காற்றெதிர் தூற்றலும்,
சிவஞானிகளுடைய ஐம்பொறிகளின் தொழில் ஒழிதல் போல, நீங்கிக் கழிந்த
வைக்கோற் பொடியோடும் நெற்பதர்கள் விரைந்து அப்புறத்தோடா நிற்கும்.

     பொய் அகன்றவர்-உள்ளனபோலத் தோன்றி உண்மையில் நிலையாமை
உடைய உலகப் பொருள்களின் மேற் பற்று நீங்கிய சிவஞானிகள்