அந்தகேசப் படலம்

கலிநிலைத் துறை

     ஆத்தி, கொன்றை இவற்றின் மாலையை அணிந்த நரசிங்கேசப்
பெருமானார் வரலாற்றொடும் வராகேச்சரத்தின் பெருமையை ஆராய்ந்து
உபகரித்தோம். அழகு பொருந்திய இத்தலங்களின் கிழக்கில்
பெருவன்மையையுடைய போர்வல்ல இடபவாகனத்தையுடையவர் தம்
அந்தகேச்சரத்தைப் போற்றுவோம்.

     இரணியாட்சன் ஈன்ற அந்தகாசுரன் விதிப்படி எமது பெருமானை
அங்கு வழிபாடியற்றி வரம்பெற்று முரன் என்னும் அசுரனை அழித்த
முரரிரி முதலான தேவர் யாவரையும் வன்மையால் வென்று புறங்கொடுப்பக்
கண்டு உலகை ஆட்சி செய்தனன்.

தேவர்கள் பெண்வடிவங் கொண்டு வசித்தல்

     அந்தகாசுரனொடு பொருது வன்மையை இழந்து அச்சத்தினால்
இலக்குமி விரும்புகின்ற மார்பினனாகிய திருமால் முதலானோர் மின்னை
ஒக்கும் இடைக்கு வருத்தம் விளைத்து நிமிர்ந்து அழகு மிகுந்து
ஆபரணங்களை அணிந்த கொங்கையையுடைய மகளிர் வடிவத்தை
மேற்கொண்டு,