போர்த் தொழில் வகையில் வல்ல பகவன் முப்புரங்களை நீறாக்கும்
ஒருவனேயாதலை உணர்ந்தார் போலச் சிவபிரான் திருமுடியில் மிலைச்சு
கின்ற தும்பை மாலையைச் சூடினராய் இருசார்பினரும் வன்மையொடும்
வருந்துகின்ற போர்புரிதலை யாவரே உள்ளவாறு கூற வல்லவர்.

     யானைப்படைஞரொடு யானைப் படைஞரும், குதிரை வீரரொடு
குதிரை வீரரும் தேர் மறவரொடு தேர்மறவரும், விதிவழி அரசரோடரசரும்
எதிரிட்டுப் போர் செய்வர்.

     மரபின் என்பதனை மற்றையோர் மூவர்க்கும் கூட்டுக.

     தண்டம் என்னும் பெயரை வழிக்கு உதவுகின்ற மதநீரும், வலிமையும்
உடைய (யானை) மலைகள் வீசியெறிந்த தண்டாயுதங்கள் பகைவர்களுடைய
கையிலுள்ள தண்டாயுதங்களுடன் யானைத்துதிக்கையும் நிலத்திற் புரளும்
படி தண்டனை இயற்றுவன. போர்க்களத்தில் தம் இனம் என்ற
உணர்ச்சியுண்டோ?

     களிற்றினைக் களிறு அழித்தமையின் ‘படுகளத் தொப்பாரியோ?’
என்னும் பழமொழியைக் கொள்க. தண்டம்-யானை செல்லும் வழி.

     தேரேறிய வீரர் எதிரேற்று விடுத்த சக்கரங்கள் பகைவர் தேரிடை
நுழைந்திடுங்காட்சி வானை நோக்கி எழுகின்ற மலையின் சார்பு கொண்ட
குகையினின்றெழு கூட்டமாகிய பறவைகள் பிற குன்றுகளின் குகைகளிற்
குடிபுகுதலை ஒப்பன.

கலி விருத்தம்