நாய்களை மேற்சொல்ல முடுக்கிக் குற்றப்பட இகழ்ந்து கூறித்திரண்ட
கல்லும் ஓடும் எடுத்து அணங்கினை ஒருபாலுடைய பிரான் வலிவுற வீசித்
தாக்குழி அப்பெரு முனிவரன் வெவ்விய தீயை ஒப்ப வெகுண்டனனாய்த்
தண்டாயுதத்தை எடுத்துச் சுழற்றி,

     உதட்டைக் கடித்து நாய்களைப் பயமுறுத்தினன். பகைவர்
முப்புரங்களை எரித்த சேவகன்மேற் செல்ல அத்தண்டத்தை விட்டனன்.
யானை முகப்பிரானார் அவ்வலியமைந்த தண்டத்தை ஒடித் திரு
துண்டாக்கினர். காளியுடன் வாது செய்து நடம்புரிந்த பிரானார் வெவ்விய
சினம் தோன்ற நடித்து,

     கடுஞ்சொற் கூறிப் ‘புலையருள் அடிமைப்பெண் மகன் ஆவாய் நீ
என்மகன் மேல் வருந்துமாறு தண்டம் எறிந்தனை. தெய்வானுக்கிரகத்தால்
தண்டம் முரிந்தது. தாய் கொலை அஞ்சாதவனே! அருளில்லோனே!
இப்பொழுது உன்னைக் கொல்வே’னெனக் கரத்தை ஓச்சி நெருங்கி வந்தனர்.

     நெருங்குகையில் நீண்ட வேதநாய்கள் முற்படச் சார்ந்து துரத்தி
ஓட்டுதலும், அத்தவமுனி அச்சம் மிகுந்து உள்ளம் பதைபதைத்து
ஓட்டெடுத்தனன். இளம் பிறையை அணிந்த நீண்ட சடையுடைப்
பெருமானாரும் விரைந்து தொடர்ந்தனர்.

அறுசீரடி யாசிரிய விருத்தம்