கைவிட்டு உண்மையைக் கூறாதவர் உளரோ? குற்றமற்ற உயிர்கள்
அனைத்தினுக்கும் நீ தாதையும் இமயத்தையலார் தாயும் ஆகலின்
தாய்க்கொளித்த சூலுண்டோ? கூறுகேன்.

கலி நிலைத்துறை

     ‘‘திருவெண்ணீறு சண்ணித்த திருமேனியனே! அடியேன் பல்
வகையாலும் இழி நிலையையும் அவமதிப்பையும் எய்தி வருந்தினேன்.
இத்தலத்தில் உன்னைப் பூசனை புரியும் ஒப்பில்லாத பெருவாழ்வினைப்
பெற்றேன். உலகோர் இகழ்ந்து விலக்காதவாறு திருவருள் செய்து தாழ்ந்த
அடியேனைக் காத்தல் உனக்குக் கடப்பாடாம்.’’

     ‘புகழையும், செல்வத்தையும், முத்தியையும் உயிர்க்கருளும்
பழையோனும், இகழ்ச்சியையும், துன்பத்தையும், நீக்குவோனும், ஆணவ
மலத்தை வேரொடும் அகழும் தலைவனும், யாண்டும் நீக்கமற நிறைந்தவனும்,
அடியவர்தம் பேரன்பினுக்கெளிவரும் பிரானும் சிவபிரானே என்றும்,

     ‘ஒருத்திக்குக் கணவன் உறவினர் யாவரினும் இனியனாவன் என்று
கூறுவர் அறிந்தார்; எடுத்தியம்பில் அவன் இவ்வுடம்பிற்கே நாயகன் ஆவன்.
அரிய உயிர்க்குக் கணவனும், தந்தையும், தாயும், செல்வமும், பிறவும்
செழித்த தேனையுடைய கொன்றை மலர் மாலையைச் சூடிய கங்கையால்
ஈரிய சடையுடைய சிவபெருமானே ஆவன் என்றும்,