காதணியை மோதுகின்ற நீண்ட கண்களையும், சிவந்த வாயினையும்,
இளமையையும் உடைய இமாசலன் மகளார் தம்மை விரும்பித் தழுவு
முறையால் கரிய மேகத்தை யொக்கும் திருக்கண்டமுடைய பிரானார்
வரும்படி அழைத்தபொழுது நீர்க்கு நாயகனாகிய வருணனோடும் பெரியநதி
வடிவினைமேற்கொண்டு.

     சிறந்த அண்டத்தின் உள்ளும் புறம்பும் உள்ளத் தீர்த்தங்கள் யாவும்
கலந்து திரண்டு காஞ்சியின் மேற்றிசையில் எய்திக் கொழுவிய மலர்க்
கொத்துக்களையுடைய ஒற்றை மாவடி நிழலில் விளங்குகின்ற இறையவனை
உமையம்மையார் விரைந்து தழுவிய அளவில் எழுந்த வேகம் தணிந்து
மறித்தவ்விடத்தே தங்கி,

     சந்திரகேசரரைத் தீர்த்தரச நாயகன் என்ற பெயரான் நிறுவிப் பெருகுஞ்
சுனை அருவியையுடைய இமயமலையின் வில்லொக்கும் நுதலையுடைய
பிடியினோடும் அருச்சனையைச் செம்மை பெறச்செய்ய மேரு மலையை
வில்லாக வளைத்த திண்ணிய, தோளையுடைய வள்ளலும் எதிரெழுந்தருளி,

     ‘இந்நாள் முதலாக இங்கெய்தித் தீர்த்தமாகிய நும்முள் மூழ்கிக் கோப
முதலிய தவிர்ந்த முனிவரர் தேவர், தென்புலத்தார் ஆகிய இவர்கட்கு உரிய
நீர்க்கடன் முதலானவற்றை வழங்கிப் பெரும் பொருளை இரப்போர்க்கீந்து
எம்மை ஈண்டுத் தரிசிப்போரை முத்தியிற் செலுத்துவோம்’