தேவர்க்கு அமுத முழுவதும் விரையக்கொடுத்து அத்தேவர் வடிவு
கொண் டுடனிருந்த இராகுவை நீண்ட அகப்பையால் தலையை வெட்டிப்
பின் திருமாலும் அமிழ்தத்தை உண்டு களிப்பு மிக்கனர்.

     வேறிருந்த அசுரரைப் போரில் வெற்றி கொண்டு பகையை அழிக்கும்
சக்கரமுடையவர் தம் இருப்பிடத்தை அடைந்தனர். விடைக் கொடியையும்,
எரியை ஒக்கும் சடையிற் கங்கையையும் ஏற்ற பெருமானார் நிகழ்ச்சிகளை
முற்றவும் திருச்செவி ஏற்றருளி,

ஐயனார் அவதாரம்

     தம்மை வணங்கி அருள் பெறவந்த திருமாலை அந்நிகழ்ச்சியை
வினாவி அப்பெண்ணுருவைத் தம்மெதிரே கொள்ளெனப் பிரானார் கூறச்
சார்ங்கம் என்னும் வில்லுடைய மாலும் உமையம்மையார் திருமுகத்தை
நோக்கி,

     மயக்குறுத்துகின்ற மோகினி வடிவைக் காட்டி விரைய வெளியேறினர்.
காமனை அழித்த கண்ணுதலார் விரைய எழுந்து சென்று தழுவவும்
சாமளமேனியன் கை பிழைத்தோடினன்.

     உலகம் உய்யத் திருவிளையாடல் என்பார் ‘வேளை வென்றகோன்
என்றனர்.