இரங்கி அருளும் பேரருட்கருணை மீக்கூரும் மதியை ஒக்கும்
திருமுகத்தில் ஒலியெழும் அக்கினிதேவனையும், காயத்திரிச்சந்தத்தையும்,
ஒலிக்கின்ற சிறப்பினையுடைய இரதந்திரமாகிய சாமத்தையும், முத்தோ
மங்களையும், துன்பமில்லாத வேதியருடன் முகத்திற் படைத்தனர்.

     மேன்மையும், பெருமையும் பொருந்திய மணிகள் கொண்டாக்கிய
ஆபரணங்கள் விளங்கும் மெல்லிய தோள்களில் அழகிய இந்திரனையும்,
திரையிட்டுப்பெனச் சொல்லப் படுகிற சந்தத்தையும் குற்ற மில்லாத
பதினைந்து தோமத்தையும், பிருகத் சாமத்தையும், மாலையையும், நீண்ட
முடியினையும் பூண்ட சத்திரியர்களையும், அவியினையைும் படைத்தனர்.

     தகுதி வாய்ந்த விச்சுவதேவர்களையும், சாகதச் சந்தத்தையும்,
பொய்யில்லாத வயிரூபம் எனப்பெறும் சொல்லுதற்கரிய சாமத்தையும்,
மேன்மை பொருந்திய பதினேழு தோமத்தையும், பசுக்களையும், வணிகரையும்
ஆக இங்குக் கூறிய அனைத்தினையும் துடையில் தோற்றுவித்தனர்.

     அனுட்டுப்புச் சந்தத்தையும், வைராச சாமத்தையும், இருபத்தொரு
தோமத்தையும், தாவுகின்ற குதிரைகளையும், சூத்திரர்களையும் செவ்விய
தளிரை ஒக்கும் திருவடியிற்றந்தனர். இவர்தமக்கொரு வழிபடு கடவுள்
வரையறுக்கப்படாமையினால் முதல் மூன்று வருணத்தவர்களே இவர்க்குத்
தலைவராவர்.