உலகம் முற்றவும் பிழைக்குமாறு அந்தப் புரத்தில் ஐந்தாகவும்
மூன்றாகவும், பாங்கியர் அடுக்கிய வளமுடைய அணையில் இருந்து பெரு
மகிழ்ச்சி தலை சிறப்பத் திருவிளையாட்டால் கலத்தலில் திருவுளம் வைத்து
உவந்திருக்கும் பொழுதில்,

கலிநிலைத் துறை

     மூவுலகோரும் செய்த தவப் பயன் வாய்ப்பவும், கடலை ஆடையாக
வுடைய நிலமகள் புகழ் மிகவும், திசை எட்டினும் தென் திசையே
மேம்படவும், மயக்கக் குழாத்தைக் கெடுத்த வண்டமிழ் நாடு வாழவும்,

     தண்டகன் ஆண்ட தொண்டை நாடும், பல சமயத்தவரானும்
புகழப்படும் காஞ்சிமா நகரும் பெருஞ் சிறப்புறவும், அகச்சமயங்கள் ஆறும்
மகிழ்ச்சி மிகவும், உலகில் எங்கும் சிவாகம வேதவிதிச் சிவநெறி சிறக்கவும்,

     எவ்வகைத்தாய தவத்தினும் சிவ பூசனை ஏற்றம் உடைத்தென்று கடல்
சூழ்ந்துள்ள உலகவர் தெளிந்து உய்யவும், பகைமையாகிய பாவம் தேயவும்,
வறுமையாகிய துன்பப் பகுதியினின்றும் நீங்கி உயிராகிய பயிர்கள் யாண்டும்
தழைக்கவும்,