வேதம் ஓதுதல் பிரமயாகம் எனப்படும் இவ்வைந்து வகையுள்
பிரமயாகம் தெய்வத் தன்மை மிக்கமையால் தெய்வத் தன்மையையுடைய
பிராமணர் துணிவாக இதனைக் கடைப்பிடிக்கவேண்டும்.

     விடியற் காலையில் துயிலெழுந்து காலைக் கடன்களை முடித்த
பின்பு பெரிய நகரின் மருங்கே ஓடும் ஊறும் நதி முதலிய தீர்த்தங்களை
அடைந்து மூழ்கி வெள்ளிய ஆடை இரண்டனை உடுத்து அழகு மிகும்
உருத்திராக்கமும் திருநீறும் அணிந்ததன் பின்,

     தருப்பாசனத்தில் இருந்து வேதங்கள் மகிழத் தெய்வநீரை ஆசமனம்
செய்து கருத்துடன் வாயைத் துடைத்துத் தொடுமிடங்களை மந்திரத்துடன்
மோதிர விரலால் தொட்டுச் சந்தத்துடன் கூடிய வேதங்களை ஓதுதல்
வேண்டும்.

     பெருந்தவப் பயனால் வேதங்கள் பெருமானுக்கு மா மரமாய் நிழல்
செய்தலின், இப்பிரமயாகம் (வேதம் ஓதல்) திருவேகம்பப் பெருமானுக்கு
உவப்பாவது. மேன்மை பொருந்திய அறங்கள் பலவற்றுள்ளும் தலையாயதும்
ஆகும்.