தத்தமக்கு முடிந்த நிலையில் எத்துணைச் சிறு பொழுதாயினும்
துதித்தற்கரிய வேதங்களை ஓதி எடுத்தோதப்படும் காயத்திரி சத வுருத்திரம்,
இயைந்த பஞ்சாக்கரம் இவற்றை விதித்தபடி கணித்து,

     எவற்றினும் நிறைந்துறையும் சிவபிரானார் பூசனைக்குத் தக்க
திருப்பள்ளித் தாமத்திற்குரிய மலர்களைக் கொய்துகொண்டு போய் மனையில்
தொடுத்தற்குரிய இடத்தில் வைத்து மனைவாழ்க்கைக்கு வேண்டும் எவ்வகைச்
செயல்களையும் ஒழுங்குபட ஆராய்ந்து முற்றுவித்து,

     உச்சிப்போதில் அறிவுருவான சிவகங்கையில் முறைப்படி மூழ்கி
மதிப்புடைய நியமங்களை முற்றுவித்துத் திருவேகம்பப் பெருமானை
விதிப்படி அடுத்துப் பரவி,

     திரும்பித் தன் மனையைச் சேர்ந்து ஆன்மார்த்தமாக எழுந்தருளி
யுள்ள சிவலிங்க பூசனையைப் பேரன்பினால் செய்து அப்பூசனைக்
கங்கமாகிய சிவாக்கினியையும் வழிபாடு செய்து,