செம்பே ஆக ெள்ளியே ஆகச் சுண்ணாம்பு நெருப்பிற் சுட்ட செங்கல்,
மரம், மண் என்னும் இவற்றின் ஒன்றே ஆகக் கொண்டு,

     கந்தமாதனம், இமாசலம், இந்திரநீலப் பருப்பதம், கயிலை மந்தரம்,
ஏமகூடம், நிடதம், மேரு எனப் பெறும் சிறப்புடைய மலையின் பெயர்
ஒன்றைத் தாங்கிய அழகிய மேனிலைகளையுடைய கோபுரமும், மண்டபமும்
விளங்குமாறு.

     வடமொழி, தென்மொழி, தெலுங்கு என்னும் இம்மொழி நூல்களுள்
பிறமொழி நூல்களுள் விதித்தபடி பேரன்பினால் திருநீலகண்டமுடைய
சிவபெருமானுக்குத் திருக்கோயில் சமைப்போர்,

     முன்சொல்லப் பெற்ற மலைகளின் பெயரொடு கோபுரம் அமைத்தவர்
அவ்வம் மலையை ஒக்கும் தெய்வ விமானத்தில் திருமால் முதலானோர்
புகழ்ந்து போற்றிச் சூழ்ந்துவர நீலமலரை ஒக்கும் விடமுண்ட கண்டர்தம்
கயிலையை நண்ணி ஒழி வரிய பெரும்போகத்தை நுகர்ந்து தங்கி முடிவில்
வீட்டினைத் தலைப்படுவர்.

புதுக்குதற் பயன்

     முரிந்தும், வெடித்தும், உடைந்தும், பழமை உற்றும், நெளிந்தும்
வேறுபட அழிந்தும் கிடக்கும் கோபுரம், பெருமதில் முதலாம் பிறவற்றையும்
முன்போலச் சிறக்குமாறு புதுப்பிப்போர் (சீரணோத்தாரணம் செய்வித்தோர்)
முன் அவற்றை எடுத்தவர் பெறும் பேற்றினும் நான்கு மடங்கு பயனை
எய்துவர்.