அணிந்த சிவனாரது ஆலயத்தை மெழுகுவார்க்கு உண்டாம் பயன்
முற்கூறியதனின் நூறுமடங்கு மிகும். பத்திலக்கம் மடங்கு பெரிதாகும்
என்பதாம்.

     பெருமானார்தம் இளம்பிறையை முடித்த சடையில் தழைத்த மலர்
மாலையைத் தொடுத்து அணிதல் முன்னைய புண்ணியத்தினும் பதினாயிரம்
மடங்கு மிகும். பல்வகை மலர்களிலும் தேவர் விரும்பி உறைவர். அத் தகு
நலமுடைய மலர்களைக் கொண்டு போற்றுதல் நாதனார்க்கு உவப்பாகும்
என்றறிதிர்.

மலர்களில் வாழும் கடவுளர்கள்

     கோங்க மலரில் சரசுவதியும், அலரி மலரில் பிரமனும், வன்னிப்
பூவில் அக்கினியும், நந்தியாவட்ட மலரில் திருநந்திதேவரும், புன்னை
மலரில் வாயுவும், ஓர்சாதிப் புன்னைமலரில் கணங்களும், இதழ்கள் செறிந்த
எருக்க மலரில் அக்கினியும் செண்பக மலரில் முருகப் பெருமானாரும்,

     வில்வத்தில் இலக்குமியும், கொக்கிறகு மந்தாரை மலரில் திருமாலும்,
வாருணம் என்னும் நீர்ப் பூவில் வருணனும், மகிழம்பூவில் நந்திதேவர்
திருமனைவியும், வாகை மலரில் நிருதியும், சிறுசண்பகத்தில் ஈசானமூர்த்தியும்,
செங்கழுநீர்ப் பூவில் சூரியனும், அல்லிமலரில் சந்திரனும்,