ஒலியையுடைய கடலை அறிவுறுத்தவும், அக்கடலிடை எழும் செறிந்த
நுரையை ஒத்து விளக்கமுடைய குடைகள் நெருங்கவும்,

     அக்கடலிடைப் பிறந்த அரிய அமிழ்தத்தை ஒப்ப மகளிர் கண்டப்
பாடலொலியும், சுபச்சோபன ஒலியும், வேத ஒலியும் மெய்யன்பர் தோத்திர
ஒலியும் மல்கி எழவும்,

     இமயம் முதலிய பொன்மலைகள் யாவும் தம்குடியிற் றோன்றிய
மலைமகளாருடன் பெருமானார் கொள்ளும் திருவிழாவைச் சேவிக்க வந்து
சேர்ந்தாலெனத் தேர்கள் விளங்கவும்,

     பொன்னாலமைந்த கிண்கிணி, சிலம்பு, மேகலை இவற்றின் ஆரவார
ஒலி மிக்கெழ அன்னம்போலும் நடையினையும் தேவ மகளிர் போலும்
வடிவினையும் உடைய மங்கையராயம் நெருங்கி யாண்டும் ஆடல்
தொடங்கவும்,

     சிகரங்களையும் மேடைகளையும் உடைய வீடுகள் தோறும் தூக்கிய
மகர மச்ச வடிவில் அமைந்து பல நிறங்களையுடைய மணிகள் பதித்த
தோரணங்களின் குற்றமற்ற பேரொளி செறிந்த வீதிகளும் குற்றமற்ற
சித்திரங்கள் தீட்டப்பெற்றுள்ளனபோலக் காட்சி அளிப்பவும்,