நிறைந்து, இலங்கும் விளங்குன்ற, அதிங்கவனம்
- அதிங்கவனத்தில்,
விரகில் - உத்சாகத்தினால், சென்று - போய், புக்கான் - புகுந்தான்
எ-று. (119)
343. விமலகாந் தார மென்னும் விலங்கலை யிலங்க வேறி
யமலமா யிலங்குஞ் சிந்தை யருந்தவன் வரதன் மாவின்
கமலமா யிலங்கும் பாதம் கைதொழு திறைஞ்சி வாழ்த்தித்
திமிரமாம் வினைக டீரத் திருவற மருள்க வென்றான்.
(இ-ள்.) (அவ்வாறு
சென்ற அவன்) விமலகாந்தார மென்னும் -
விமல காந்தார மென்னும் பெயரையுடைய,
விலங்கலை -
(அவ்வனத்தில் உள்ள) பர்வதத்தில், இலங்க - தன் அழகு விளங்க,
ஏறி - ஏறிப்போய், அமலமாய் - நிர்மல காரமாகி,
இலங்கும் -
விளங்கும், சிந்தை - தியானத்தையுடைய, அரும் - அரிதாகிய, தவன்
- தபசையுடையவனான, வரதன்மாவின் - வரதர்ம
னென்னும்
பெயரையுடைய முனிவரனது, கமல மாய் - தாமரை புஷ்பமாகவே,
(அதாவது அதைப்போல), இலங்கும் விளங்குகின்ற,
பாதம் -
பாதங்களை, கைதொழுது - கைகுவித்து, இறைஞ்சி -
வணங்கி,
வாழ்த்தி - ஸ்தோத்திரம் பண்ணி, திமிரமாம்
- அஞ்ஞானாந்த
காரத்தனாலாகிய, வினைகள் - கர்மங்கள், தீர - நீங்க, திருவறம் -
அழகிய ஜின தர்மத்தை, அருள்க - சொல்லக் கடவீராக, என்றான்
- என்று அவரிடம் கேட்டான், எ-று.
(120)
344. அறிவுநற் காட்சி காந்தி சாந்திநல் லடக்க மைந்து
பொறிகளிற் செறிவு குத்தி சமிதியும் பொருந்தி
யாசை
வறுவிய மனத்துத் தண்டங் காரவஞ் சன்னை வீந்த
உறுதவ னுரைக்க லுற்றா னுவந்தவன் கேட்க லுற்றான்.
(இ-ள்.) (அவ்வாறு
கேட்டபோது) அறிவு - சம்மியக்ஞானமும்,
நற்காட்சி - சம்மியக் தரிசனமும், காந்தி - சம்மியக்
சாரித்திரமும்,
சாந்தி - உபசாந்தியும்
(அதாவது : ப்ரசமம் அல்லது
க்ஷமாபரிணாமமும்), நல்லடக்கம் - நன்மையாகிய
ஸம்யமமும்
(அதாவது பிராணி ஸம்யமம் ஆறும் விஷய
ஸம்யம் ஆறும்),
ஐந்துபொறிகளில் செறிவு - பஞ்சேந்திரிய விஷயங்களில்
ராகத்
வேஷமில்லாமையும், குத்தி - திரிகுப்தியும்,
சமிதியும் - பஞ்ச
சமிதியும், பொருந்தி - ஆகிய இவைகளில்
சேர்ந்து, ஆசை -
இகபரங்களில் அன்னிய திரவியா பேட்சையை, வறுவிய - நீக்கிய,
மனத்து - ஸ்வாத்மத்தியான மனதையுடையவனும்,
தண்டம் -
மனோவாக் காயுதண்டங்களும், காரவம் - ரஸ ரித்தி சாதுவென்னும்
திரிகாரவங்களும், சன்னை - ஆஹாரபய பரிக்கிரகஸ்திரீ என்னும்
சதுஸ்ஸன்னைகளும், வீந்த - நீங்கியவனுமாகிய, உறு - பெரிதாகிய,
தவன் - தபசையுடைய வாதர்ம முனிவன், உரைக்கலுற்றான்
-
சொல்லத் தொடங்கினான், அவன் - அப்பத்திரமித்திரன், உவந்து -
சந்தோஷித்து, கேட்கலுற்றான் - கேட்கத் தொடங்கினான், எ-று. (121) |