றளர்வின்றி நிற்பதா காயஞ் சார்வினா
     லளவிலாக் காலத்தோ டசீவ னைந்துமே.

    (இ-ள்.) அளவின்றி - அளவில்லாமல் (அனந்தமாகி), அத்தியாய்
-   அஸ்திஸ்வரூபமாகி,    அமூர்த்தியாதியா   -   அமூர்த்தத்துவம்
அதிசூக்ஷ்மத்துவம்  அகுருலகுத்துவம்  அவகஹனத்துவம்   என்னுங்
குணங்களையுடையதாகி,    உளவென்ற   -    இந்த    வுலகத்தில்
உள்ளனவாயிராநின்றனவென்ற,     பொருட்கெலாம்     -   சீவாதி
பொருள்களுக்கெல்லாம்,  இடம்  கொடுத்து  -  ஸ்தானங் கொடுத்து,
உடன் -  அவைகளுடன், தளர்வின்றி - தளர்ச்சியில்லாமல், நிற்பது -
இருப்பது,  ஆகாயம் - ஆகாசத்திரவியமாகும்; (இன்னும்) சார்வின் -
இவைகளோடு சேர்ந்த சார்பினையுடைய, அளவிலா - அனந்தமாகிய,
காலத்தோடு - காலத்திரவியத்தோடு, அசீவன் - அசீவபதார்த்தங்கள்,
ஐந்து - ஐந்துவிதமாம், எ-று.

               ஆல் - அசை,

     அசீவபதார்த்தங்கள்:-   புத்கலத்திரவியம்,    தர்மதிரவியம்,
அதர்மதிரவியம்,     ஆகாசதிரவியம்,    காலதிரவியம்    என்பன.
அஸ்திகாயம்,  திரவியம்,  தத்துவம், பதார்த்தம் என்னும் இவைகளை
பதார்த்த  சாரத்தில்  முதலில்  சொல்லப்பட்டிருக்கும்,  நவபதார்த்த,
சப்ததத்துவ, ஷட்திரவிய, பஞ்சாஸ்திகாய மென்னும்  அதிகாரங்களில்
பார்த்துக்கொள்ளவும்.                                   (93)

94. கணம்வளி யுயிர்ப்புத் தோவ மிலவமே நாளி மூழ்த்த
   மிணையினாள் பக்கந் திங்க ளிருதுவே யயன மாண்டு
   பணையுகம் பூவம் பல்ல பவ்வமே யனந்த மீறாக்
   கணமுதற் காலபேதஞ் சொல்லுறிற் கால மில்லை.

     (இ-ள்.)  வியவஹார காலத்தைப்பற்றி ஆராயுமிடத்து) கணம் -
(பரமாணுவினது  புடைபெயர்ச்சி  அதாவது  :  அணு,  தான்  நின்ற
க்ஷேத்திரத்தைக்  கடந்து  அடுத்த க்ஷேத்திரத்தில் சேரும் நேரமாகிய
சீக்கிரகாலமென்னும்)   ஸமயமும்,   வளி   -    (அந்த    ஸமயம்
அஸங்கியாதங்    கொண்டதாகிய)     ஆவளியும்,      உயிர்ப்பு -
(ஆவளியஸங்கியாதங்  கொண்டதாகிய)    ப்ராணனும்,  தோவம்  -
(ப்ராணன்   ஏழுகொண்ட)   ஸ்தோகமும்,   இலவம்  -  (ஸ்தோகம்
ஏழுகொண்ட)  லவமும்,  நாளி - (லவம் முப்பத்தெட்டரை கொண்ட)
நாழிகையும்,  மூழ்த்தம் -  (நாழிகை இரண்டுகொண்ட) முகூர்த்தமும்,
இணையினாள் -  (முப்பது முகூர்த்தங்கொண்ட இரவும்,  பகலுமாகிய
இரண்டுஞ்   சேர்ந்த)   ஒரு   திவஸமும்,   பக்கம்   -   (திவஸம்
பதினைந்துகொண்ட)  பக்ஷமும்,  திங்கள்  - (அதன்மேல்) மாஸமும்,
இருது - இருதுவும், அயனம் - அயனமும்,  ஆண்டு -  வருஷமும்,
பணை - (ஐந்து