175. மறைகள் மாய்ந்திட வான்பொறி யைந்தையு
         மாற்றிமற் றவற்றா லாம்
     முறையு நீங்கமூ வுலகினோ டலோகின்முக்
         காலத்தி னிகழ்வெல்லாம்
     உறலு மோர்தலு மின்றியே யோர்கணத்
         தொற்றுமை முதலாய
     அறியு நின்னறி வறிவதோ ரறிவெமக்
         கருள்செயெம் பெருமானே.

     (இ-ள்.)மறைகள் - ஸ்வபாவகுணங்களை மறைக்கும் ஆவரணிய
கருமங்கள், மாய்ந்திட - நீங்க, வான் - பெரிதாகிய, பொறியைந்தையும்
- பஞ்சேந்திரியங்களையும், மாற்றி - விஷயங்களிற்செல்லாமல் தடுத்து,
மற்று - பின்னை,  அவற்றால்   -  அவ்விந்திரியங்களால்,   ஆம் -
ஆகின்ற, முறையும் -  கிரமமும், நீங்க - நீங்கிவிட, மூவுலகினோடு -
மூன்றுலகங்களோடு,    அலோகின்    -    அலோகத்தினுடையவும்,
முக்காலத்தின் -     பூத     பவிஷ்ய    வர்த்தமான    மென்னும்
திரிகாலங்களினுடையவும்,   நிகழ்வெல்லாம் - நிகழ்ச்சிகளையெல்லாம்,
உறலும் - அடைதலும், ஓர்தலும் - நினைத்தலும், இன்றி - இல்லாமல்,
ஓர் கணத்து -    ஒரு   ஸமயத்தில், ஒற்றுமை முதலாய - ஸாமான்ய
முதலாகிய    எல்லா    விசேஷங்களையும்,    அறியும் - அறிகின்ற
(கேவலஞானமாகிய),    நின்னறிவு  -  உனது ஸ்வபாவ ஞானமானது,
அறிவது - ஸகலத்தையும்  அறியும்படியான,  ஓர் -ஒப்பற்ற, அறிவு -
திவ்வியஞானமாகும்,    எம்பெருமானே   -   எங்கள் தலைவனாகிய
ஸ்வாமியே!,    எமக்கு -    எங்களுக்கு,     அருள்      செய் -
ஸ்வபாவகுணமாகிய   அந்தச்    சுத்த  ஞானத்தைப் பெறும்படியாக
உபதேசம் பண்ணியருள்வாயாக, எ-று.                      (35)

176. பொறிக ளாறிலைம் புலத்தினாற் கதியின்முக் காலத் திருபோகத்
    துறவியாவையு முற்றவின்பத்தினோடுனதின பந்தனையொப்பித்
    தறியின் மற்றவை யணுவுமா காயமு மனையவுன் பேரின்பத்
    துறைதி யுன்னைநீ யுன்னுளே யனுபவித் துலகவுத் தமனீயே.

     (இ-ள்.) பொறிகள் ஆறில் - ஷடிந்திரியங்களில்,ஐம்புலத்தின் -
பஞ்ச  விஷயங்களில்,  நாற்கதியின்  - சதுர்க்கதிகளில்,முக்காலத்து -
மூன்று   காலங்களில்,  இருபோகத்து   -  போகோப போகங்களில்,
உறவியாவையும்  -  (அநுபவியாநின்ற)  ஸகல ஜீவன்களும், உற்ற -
அடைந்த,   இன்பத்தினோடு    -    சௌக்கியத்தினோடு, உனது -
உன்னுடைய,   இன்பந்தன்னை - சௌக்கியத்தை, ஒப்பித்து - ஒன்று
சேர்த்து, அறியின் -  தெரியுமிடத்தில்,   மற்றவை - (ஸகலஸம்ஸாரப்
பிராணிகளுடைய) ஸுஹங்கள், அணுவும் - அணுவையும், ஆகாயமும்
- ஆகாயத்தையும்,  அனைய - நிகர்ப்பனவாம், (இத்தகைய)  உன் -
உனது,