நகரச்சிறப்பு.

வேறு.

 26. அறைகழ லரசர் கோமா னிருக்கைய தமைதி செப்பிற்
    குறைவிலா வீத சோகங் குபேரன திருக்கை போலும்
    நெறியினாற் புகை யிரண்டா றொன்பது நீண்ட கன்று
    மறுகுமா நதிகள் போன்று வழங்குமா யிரத்த தாமே.

     (இ-ள்.)  அறை - சப்தியாநின்ற, கழல் - வீரகண்டையையுடைய,
அரசர்   கோமான்   -   இராஜாதிராஜனான    சக்ரவர்த்தியானவன்,
இருக்கையது - இராநின்ற இராஜதானியினது, அமைதி - மாட்சிமையை,
செப்பில்     -     சொல்லு    மிடத்தில்,    (அது)   குறைவிலா -
தனமுதலியவைகளாற்  குறைவில்லாத,  குபேரனது - குபேரனென்னும்
தேவனுடைய,   இருக்கைபோலும்   -   நகரமாகிய  அளகாபுரிக்குச்
சமானமாகின்ற,  வீதசோகம் - வீதசோகமென்னும் பெயருடையதாகும்;
நெறியினால்   -   கிரமத்தால்   (அந்நகரானது),  புகையிரண்டாறு -
பன்னிரண்டு யோசனை,  நீண்டு - நீளமாகி,  ஒன்பதகன்று - ஒன்பது
யோசனை யகலமாகி,  மாநதிகள்போன்று - ஜலம் பற்றறாமலொழுகும்
மஹா   நதிகளுக்குச்   சமானமாகி,   வழங்கும்   -   ஜனங்களால்
செல்லப்படுகின்ற,   மறுகு   ஆயிரத்ததாம்   -   ஆயிரம்   மஹா
வீதிகளை யுடைத்தானதாம், எ-று.                          (26)

 27. அறுபது தலைவைத் திட்ட மூன்றுநூ றறிவன் கோயில்
    செறிமலர்ச் சோலைக் குன்றம் வாவியுஞ் செப்பி னன்ன
    அறுபதிற் குணிக்கப் பட்ட வாயிரஞ் சேரி பாடி
    யறுபதோ டிசைந்த பத்தாற் குணித்தவா யிரங்க டாமே.

     (இ-ள்.)   அறிவன் - சர்வக்கியனுடைய,   கோயில் - ஸ்ரீ ஜிந
சைத்யாலயங்கள்,  அறுபது  தலை  வைத்திட்ட  -  அறுபது என்கிற
கணக்கை  முதலில்  வைக்கப்பட்ட,  மூன்று  நூறு  -  முந்நூறாகும்,
(அதாவது  முற்நூற்றறுபதாகும்),  செறி - சேர்ந்திராநின்ற,  சோலை -
தோப்புகளும், குன்றம் - செய்குன்றங்களும்,  வாவியும் - குளங்களும்,
செப்பின்    -    சொல்லப்புகுந்தால்,   அன்ன   -   முன்சொன்ன
அக்கணக்கையுடையனவேயாம்,         (அதாவது   :    தனித்தனி
முந்நூற்றறுபதாம்),    சேரி   -    இடைச்சேரி    முதலாகியவைகள்,
அறுபதிற்குணிக்கப்பட்ட  வாயிரம்  -  அறுபதினாயிரமாகும்,  பாடி -
பாடி என்னும் இடங்கள்,  அறுபதோடிசைந்தபத்தால் - எழுபதினாலே,
குணித்த      -      பெருக்கப்பட்ட,     ஆயிரங்கள்     தாம் -
எழுபதினாயிரங்களாகும், எ-று.                             (27)

 28. அஞ்சுநூற் றிரட்டி வாயி லேழுநூ றாகும் பூழை
    துஞ்சிலாப் பலிபெய் பீட மாயிரஞ் சதுக்க மன்ன