334. அளவிலா நிதியை விட்டுப் பிறன்பொரு ளதனை மேவல்
களவுதா னிரண்டு கூறா மியல்புகா ரணங்க டம்மா
லளவிலாப் பொருளுண் டாயும் பிறன்பொருட் கிவற லாதி
களவுதான் கடைய தாகுங் கைப்பொரு ளற்ற வர்க்கே.
(இ-ள்.) (மனிதர்)
அளவிலா - அளவில்லாத, நிதியை -
ஐஸ்வரியத்தை, விட்டு - தம்மிடமிருக்க அதை வைத்துவிட்டு, பிறன்
பொருளதனை - அன்னியனது திரவியத்தில், மேவல்
- மனம்
பொருந்துதல், களவு - ஸாமான்னியத்தால் களவென்றாகும், தான் -
அக்களவுதான், இயல்பு காரணங்கள் தம்மால்
- காரிய
காரணங்களினால், இரண்டு கூறாம் - காரியக் களவென்றும் காரணக்
களவென்றும் இரண்டு விதமாகும், (அவற்றுள்),
அளவிலாப்
பொருளுண்டாயும் -
கணக்கிலாத பொருள்கள்
தமக்குண்டாகியிருந்தும், பிறன் பொருட்கு -
அன்னியனுடைய
திரவியத்திற்கு, இவறல் - இச்சிக்கின்றது, ஆதி - முதலிற் கூறப்பட்ட
காரியக் களவாகும், கைப்பொருள் - தம் கைப்பொருள், அற்றவர்க்கு
- இல்லாதவர்களாகிய தரித்திரர்களிடத்தி லுண்டாகும், களவுதான் -
களவானது, கடையதாகும் - இரண்டாவதாகிய காரணக் களவாகும்,
எ -று.
(111)
335. இயல்பினாங் களவி னார்கட் கினியவாஞ் செய்கை யொன்று
முயலுறா மனத்த ராகி வாங்குவ நிறைய வாங்கிக்
குயலராய்க் கொடுப்ப வெல்லாங் குறையவே கொடுத்த லாகு
முயலுறா ரிவைசெய் யாதே யொருபக லொழிய மேலும்.
(இ-ள்.) இயல்பினாங்
களவினார்கட்கு - காரியக்களவை
யுடையவர்களுக்கு, இனியவாம் - இனிமையாகிய, செய்கை ஒன்றும்
- செய்கைகளில் ஒரு காரிய மேனும், (அதாவது
நீதியோடு
பொருந்திய காரியங்களில் ஒன்றையேனும்), முயலுறா
- செய்ய
முயற்சிக்காத, மனத்தராகி - மனத்தையுடையவர்களாகி (அதாவது
அநீதி பொருந்திய மனமுடையவர்களாகி), வாங்குவ -
தாங்கள்
வாங்குமவைகளை எல்லாம், நிறைய - அதிகமாக,
வாங்கி -
கிரகித்து, குயலராய் - லோப புத்தியுடையவர்களாய்,
கொடுப்ப
எல்லாம் - தங்களால் கொடுக்கப்படும் பொருள்களை
எல்லாம்,
குறையவே - குறைவாகவே, கொடுத்தலாகும் - கொடுத்தல்
உரிய
தொழிலாகும், இவை செய்யாதே - இப்படிப்பட்ட காரியங்களைச்
செய்யாமல், ஒரு பகலொழிய - ஒரு நாளாகிலும் நீங்க, மேலும்
-
மேலே, (அதாவது மேலும் வேறே காரியங்களில்),
முயலுறார் -
முயற்சி செய்யமாட்டார்கள், (அதாவது ஒரு நாளேனும்
தவறாமல்
தினந்தோறும் மோசத் தொழில்களையே புரிவர்), எ-று. (112)
|