336. மீன்சென்ற நெறியைப் போலும் விரும்பினார்
வேட்கை யாதி
தான்சென்ற மனத்து மள்ளர் தாம்பொரு ளதனுக் காகக்
கான்சென்ற நெறியின் மன்றிற் சுருங்கையிற் களவு
நூலின்
கூன்கொண்டு கொள்ளை கொள்ளல் காரணக் களவு தானே.
(இ-ள்.) வேட்கையாதி
சென்ற - பொருளாசை முதலியவை
நிறைந்து போய்க் குடியேறிய (அதாவது பொருளாசை மிகுந்த), மனத்து
- மனத்தையுடைய, மள்ளர் தாம் படர்களானவர்கள், பொருளதனுக்காக
- பொருள் சம்பாதித்தற்காக, விரும்பினார் - இச்சித்தவர்களாகி, மீன்
சென்ற நெறியைப் போலும் - ஜலத்திலே மஸ்ஸியமானது
சென்ற
வழியை நிகர்த்த (அதாவது மீன் சென்ற வழியானது எப்படிப் பிறரால்
கண்டுபிடிக்க முடியாமல் போகிறதோ அதுபோல
பிறரால்
கண்டுபிடிக்க முடியாதபடி அமைந்திருக்கின்ற), கான் சென்ற -
காட்டில் சென்ற, நெறியின் - கள்ளமார்க்கங்களின் வழியாக, (போய்),
மன்றில் - வெளியிலே (இருந்து தோண்டப்பட்ட), சுருங்கையின்
-
கன்னவாயிலென்னும் கள்ள வழியாக, களவு நூலின்
- சோர
சாஸ்திரத்தின்படியே, கூன் கொண்டு - வளைந்தொடுங்கி உள்ளே
நுழைந்து, (அத்திரசியாஞ்சனம், நித்ரோத்பாதனம், தாளோத்காடனம்
முதலிய மறைவுகளையும் ஆயுதங்களையுங்கொண்டு) கொள்ளை
கொள்ளல் - பலவிதமான பொருள்களை அபகரிப்பது, காரணக்களவு
- காரணங்களவாகும், எ-று. (113)
337.பொருளினைப் போக்குஞ் சீர்த்தி தன்னொடும் புகழைப் போக்கும்
அருளினைப் போக்குஞ் சுற்றந் தன்னொடு வாயு போக்கும்
பெருமையைப் போக்கும் பேறு தன்னொடு பிறப்பைப் போக்குந்
திருவினைப் போக்கும் தேற்றந் தன்னொடு சிறப்பைப் போக்கும்.
(இ-ள்.) (மேற்கூறிய
களவானது அதைச் செய்வாரின்)
பொருளினை - ஐஸ்வரியத்தை, போக்கும் -
(‘திருட்டுடைமை
உருட்டிக்கொண்டு போகும்" என்ற பழமொழிக்கிணங்க) இல்லாமற்
போக்கிவிடும், சீர்த்தி தன்னொடு -
அழகுடனே, புகழை -
கீர்த்தியையும், போக்கும் - போக்கடிக்கும், அருளினைப் போக்கும்
- தயவையும் நீக்கும், சுற்றம் தன்னொடு - பந்துக்களுடனே, ஆயு
- ஆயுஷ்யத்தையும், போக்கும் - நீக்கும், பெருமையை - மேலான
தன்மையை, போக்கும் - நீக்கும், பேறு தன்னொடு - இலாபத்தோடு,
பிறப்பை - நற்கதியில் பிறக்கும் பிறப்பையும், போக்கும் -
நீக்கும்,
திருவினை - லக்ஷ்மியை, போக்கும் - நீக்கும், தேற்றந்தன்னொடு -
தெளிவொடு, சிறப்பை - பலரால் பூசிக்குந்
தன்மையையும்
(அதாவது ஞானத்தையும்), போக்கும் - நீக்கும், எ-று. (114)
338. அங்கத்தைக் களைந்து வீழ்க்கு மருஞ்சிறைப் பிணியை யாக்கும்
வங்கயத் தடியின் வீழ்க்கும் வெந்நுனைக் கழுவி
னேற்றிக் |