தொங்குவித் தொழியுந்
தூண்டிற் றோலினை யுரிக்கப் ண்ணும்
கொங்கையைக் குறைக்கு மங்கைக் கண்ணினைக் குடையப்பண்ணும்.
(இ-ள்.) அங்கத்தை
- சரீரத்தின் பிரதானமான அங்கங்களை,
களைந்து - சேதித்து, வீழ்க்கும் -
விழப்பண்ணும், அரும் -
அரிதாகிய, சிறை - நீங்காமையான, பிணியை - வியாதியை, ஆக்கும்
- (அவர்களுக்கு) உண்டுபண்ணும், வெம் -
வெவ்விதாகிய
கோபத்தையுடைய, கயத்து - யானையின், அடியின் -
பாதத்தின்
கீழ், வீழ்க்கும் - (அவர்களை) வீழ்விக்கும், வெம் நுனை - வெப்பம்
பொருந்திய நுனியையுடைய, கழுவின் -
கழுவிலே, ஏற்றி -
ஏற்றுவித்து, தூண்டில் - தூண்டிலைப்போல (அதாவது : தூண்டில்
முள்ளில் அகப்பட்ட மீனைப்போல), தொங்குவித்து - தொங்கும்படி
செய்து, ஒழியும் - நீங்கும், தோலினை - (அவர்களுடைய) உடம்பின்
தோலை, உரிக்கப்பண்ணும் - உரிக்கும்படி செய்யும்,
மங்கை -
திருடும் ஸ்திரீகளின், கொங்கையை - தனங்களை,
குறைக்கும் -
குறைப்பிக்கும், கண்ணினை - நேத்திரத்தை, குடையப்பண்ணும்
-
ஆயுதமிட்டுக் குடையும் படியாகவுஞ் செய்யும், எ-று.
(115)
339. விழுந்தெழு நரகத் துய்க்கும் வெருவுறு விலங்கி லாக்கு
மழிந்ததீக் குலத்தி லுய்க்கு மட்டுணா வகத்து ளாக்கு
மிழிந்ததம் சுற்றத் தார்க்கும் பிச்சையு மிடாமற்
காக்கும்
கழிந்தநோ யுடம்பை யாக்குந் தாயருங் கடியப் பண்ணும்.
(இ-ள்.) விழுந்தெழு
- தலைகீழாக வீழ்ந்து வீழ்ந்தெழுகின்ற,
நரகத்துய்க்கும் - நரகத்தில் அவர்களைச் செலுத்தும்,
வெருவுறு -
ஸ்வபாவத்தில் பயத்தையேயடையக் கூடிய, விலங்கிலாக்கும்
-
திரியக்கதியில் அடையும்படி
செய்விக்கும், அழிந்த
தீக்குலத்திலுய்க்கும் - கெட்ட பொல்லாங்கான தொழில்களையுடைய
சண்டாளாதி குலத்தில் செலுத்தி மனுஷ்யராகப்பண்ணும், அட்டுணா
அகத்துளாக்கும் - சமையல் செய்து சாப்பிடவகையில்லாத தரித்திரர்
வீடுகளிற் பிறக்கும்படி செய்யும், இழிந்த -
குறைந்த, தம்
சுற்றத்தார்க்கும் - தம்முடைய பந்துக்களுக்கும், பிச்சையும் இடாமல்
- ஒருவரையும் பிச்சை கூடக் கொடுக்கவொட்டாமல், காக்கும்
-
காவல் செய்யும், கழிந்த - அதிகமாகிய, நோய் - வியாதியையுடைய,
உடம்பை ஆக்கும் - சரீரத்தை அவர்களுக்குண்டுபண்ணும், தாயரும்
- பெற்ற தாயும், கடியப் பண்ணும் - (அவர்களை)
வெறுக்கும்படி
செய்விக்கும், எ-று. (116)
340. ஆதலாற் களவ தாகா விருமைக்கு மொருமை யொக்கத்
தீதெலா மாக்கு மென்று தேறுநல் லறத்தைச் செப்பும்
பூதிதா னாதி யாய களவினைப் பொருந்திப் பொல்லா
நீதியா லமைச்சு நீங்கா செல்வமுங் கிளையு நீத்தான்.
|