624. ஆயதங் காத மாகி யதனரை யகல மாகி
     யாயதங் கால்கு றைந்த துயரமா யமல மாகி
     நீதியா னின்ற கந்த குடிகளு நூற்றெட் டாகி
     வாய்தலோர் மூன்று முன்பு மண்டபம் பலவு மாமே.

     (இ-ள்.)  (இன்னும் அங்கே), ஆயதம் - நீளமானது, காதமாகி -
ஒரு  காதமாகி, அகலம்  -  அகலமானது,  அதனரை - அந்த  ஒரு
காதத்தில்  பாதியாகிய   அரைக்காதம்,   ஆகி  - ஆய், ஆயதம் -
நீளத்தில்,  கால் குறைந்தது - கால் குறைந்தது போக முக்கால் காதம்,
உயரமாய் - உன்னதமாகி,   அகலமாகி - நிர்மலகரமாகி,  நீதியால் -
வரிசைக்கிரமத்தால், நின்ற - வரிசையாக நிலைபெற்ற, கந்த குடிகளும்
- கந்த குடி  மண்டபங்களும்,   நூற்றெட்டாகி - நூற்றெட்டு என்கிற
கணக்கையுடையனவாய்,   வாய்தலோர்   மூன்று  -  மூன்று  வாசல்
வழிகளையுடையனவாய்,     முன்பு    -   எதிரில்,    மண்டபம் -
மண்டபங்களானவை,பலவுமாகும்    -   அனேகமாகவும்  விளங்கும்,
எ-று.                                                  (64)

வேறு.

 625. தூபைசே தியமரம் வைச யந்தையாம்
     மாபெருங் கொடிமலி மான தம்பநற்
     கோபுரங் கொடிநின்ற தோர ணமிவை
     வாபிமா நந்தையை யெய்த வந்தவே.

     (இ-ள்.) தூபை - ஸ்தூபையும், சேதியமரம், சைத்யவிருட்சமும்,
வைசயந்தையாம்  - வைஜயந்தை  யென்னும்  பெயரையுடையதாகிய,
மாபெருங்கொடி  -  சிறந்த   பெரிதாகிய  இந்திரத்துவஜமும், மலி -
அளவுபோல் நிறைந்திராநின்ற, மானதம்பம் - மானஸ்தம்பமும், நல் -
நன்மையாகிய,   கொடிநிறை - த்வஜங்களால்  நிறைந்த, கோபுரம் -
கோபுரமும், தோரணம் - அந்தக்கோபுர   வாசல்  வழிகளில் உள்ள
தோரணமும்,   (ஆகிய),   இவை   -   இவைகளெல்லாம், வாபி -
தடாகமாகிய,   மா  -  பெருமை  பொருந்திய, (கீழ்த்திசையிலுள்ள),
நந்தையை  -  நந்தையென்கிற   தடாகத்தை, எய்த - அடையும்படி,
வந்த - அக்கோயிலுண்ணின்று  மொன்றின்பி னொன்றாக வரிசையாய்
வரப்பெற்றனவாம், எ-று.                                  (65)

 626. ஆடுமா மிசைவந்த கிரண வேகனற்
     கூடமா லுறைவிடங் குறுகு மெல்லையு
     ணீடியா திழிந்துபின் னிலத்தின் மேல் வராக்
     கோடுநீள் கோபுரங் கடந்து கும்பிடா.

     (இ-ள்.) (இவ்வாலயத்தின்  சிறப்பு  இங்ஙனமிருப்ப),  ஆடும் -
நர்த்தனஞ்   செய்யும்படியான,   மாமிசை  -   குதிரையின்மேலேறிக்
கொண்டு, வந்த - வந்துள்ள,