வேறு.

 690. காட்சியை முடித்திடா காட்டியி வற்றைவிட்
     டாட்சியா லொன்றெனி லந்தக னுக்கிருள்
     மாட்சியாம் வையக மற்று னக்குமொன்
     றாட்சியா லொன்றெனி லார்வி லக்குவார்.

     (இ-ள்.)   காட்சியை   -   திருஷ்டத்தை (அதாவது : உலகில்
கண்டவையாகிய   லோகப்ரவர்த்தி    திருஷ்டம்    புருஷப்ரவர்த்தி
திருஷ்டம் சாஸ்திரப் பிரவர்த்தி திருஷ்டம்  என்கிறவற்றைக்கொண்டு),
முடித்திடா    -    விரோதமில்லாமல்   முடித்து,  காட்டி -கதஞ்சித்
பின்னாபின்ன நிலைமைகளைக் காட்டியும்,  இவற்றை விட்டு - இந்தத்
தன்மைகளை யறியாமல் விட்டுவிட்டு,   ஆட்சியால் - தான் கொண்ட
ஏகாந்தத்    தன்மையின்    உறுதியால்,    ஒன்றெனில்  - ஸர்வதா
ஒன்றேயென்றால்,   அந்தகனுக்கு   -    குருடனுக்கு,   வையகம் -
இவ்வுலகம்,   இருள்மாட்சியாம்   -    அந்தகாரமயமேயாகும், (அது
போல), உனக்கும் - (அபின்னமே  ஸர்வதா சொல்லுகின்ற) உனக்கும்,
ஒன்றாட்சியால்   -    ஒன்றே   உறுதியாகையால், ஆர் - எவர்கள்,
விலக்குவார்  -  அதை  நீக்குவார்கள், (ஒருவராலும் நீக்க முடியாது),
எ-று.                                                 (130)

சூனியவாதம்

வேறு.

 691. சுத்த சூனியந் தத்துவ மென்பவன்
     சுத்த சூனிய மாகிலு நிற்கிலுஞ்
     சுத்த சூனியந் தத்துவ மல்லதாஞ்
     சுத்த சூனியந் தான்முத லல்லவோ.

     (இ-ள்.)   சுத்த  சூனியம்  -  ஸர்வதா சூன்யமேவ, தத்துவம் -
தத்துவமாகும்,   என்பவன்  -  என்று அத்தத்துவத்தைச் சொல்பவன்,
சுத்த   சூனியமாகிலும்  -   ஸர்வதா   சூனியமானாலும், நிற்கிலும் -
சூன்யமாகாமல் நின்றாலும்,  தத்துவம் - தத்துவமானது, சுத்த சூனியம்
- முழுதிலும் சூன்யம்,  அல்லதாம் - அல்லாததாகும், சுத்த சூனியம் -
அந்த ஸர்வதா   சூன்யத்திற்கு, தான் - அச்சூன்யத்தைச் சொல்பவன்,
முதல்   அல்லவோ   -   பிரதானமல்லவோ, (அவன் சூன்யமானால்
அறிந்து சொல்லும் புருஷனில்லாததால் சூன்யவாதம் இல்லாதொழியும்;
அவன் நின்றால் சூன்யவாதம் பிரத்தியட்ச விரோதமாகும்), எ-று. (131)

 692. சொன்ன சூனிய வாதியுஞ் சூனியம்
     முன்ன மில்லதோ முன்னமுண் டாயதோ