768. முகத்திடை யழகெ லாம்போந் தொழுகுவ தொக்கும் மூக்கும்
     வகுத்தநன் முகத்திற் கேற்ற வழகெய்த வடிந்த காதும்
     நகத்தினுங் கண்ணொப் பில்லை நற்சிலை புருவம் நங்கை
     முகத்தினுக் கொப்பு திங்கண் முயலின்றி யிருந்த தாமே.

   (இ-ள்.)மூக்கும் - நாசியும், முகத்திடை - முகத்தினிடமாகவுள்ள,
அழகெலாம் - அழகுகளெள்லாம், போந்து - வந்து, ஒழுகுவதொக்கும்
- ஒழுகுவதற்குச்  சமானமாகும்,  காதும்  -  செவிகளும், வகுத்த -
வடிவுபெற்ற, நல் - நன்மையாகிய, முகத்திற்கு - வதனத்திற்கு, ஏற்ற -
இசைந்த, அழகெய்த -  அழகடைய,  வடிந்த - வடிவுபெற்றனவாகும்,
நகத்தினும் - இந்தப் பூமியில்,  கண் - நேத்திரங்களுக்கு, ஒப்பில்லை
- உவமையில்லை, புருவம் - புருவங்கள், நல் - நன்மையாகிய, சிலை
-  விற்களாகும்,   நங்கை   -   இந்த    இரத்தினமாலையினுடைய,
முகத்தினுக்கு  -  முகத்திற்கு,  ஒப்பு   -  உவமையானது, திங்கள் -
சந்திரன்,   முயலின்றி  -  களங்கமின்றி,  இருந்ததாம்  -  இருந்த
தோற்றமாகும், எ-று. நகத்தினும் என்பதில் உம் - அசை. (20)

 769. நெறிந்துநெய்த் தொழுகி நீண்டு நீலத்தின் கதிரை யெல்லாங்
     கறந்தொரு கற்றை யாக்கி வைத்ததாங் கவரி பந்தம்
     புறம்புள வழகு சொல்லிற் புரிந்துழிப் பார்த்த கண்ணைத்
     திறம்பிடா வகையைச் செய்யுஞ் செப்புவ தினிமற் றென்னோ.

    (இ-ள்.) கவரிபந்தம்  -  தலைமயிர்க்  கற்றையானது, நெறிந்து -
நெளிவு  கொண்டு,  நெய்த்து  -  தைலப் பசையுடையதாய், ஒழுகி -
முறையாக  வளர்ந்து,  நீண்டு  -   நீளமாகி,  நீலத்தின்  -  இந்திர
நீலத்தின், கதிரையெல்லாம் - கிரண ஸமூகங்களை, கறந்து - வாங்கி,
ஒரு  கற்றையாக்கி   -   ஒரு  திரளாகச்  சேர்த்து,  வைத்ததாம் -
வைத்ததாகும்,  புறம்புள  - பின் பக்கத்திராநின்ற, அழகு - அழகை,
சொல்லின்   -    கூறுமிடத்து,    புரிந்துழி   -  அதனை  பார்க்க
விரும்பும்போது,   பார்த்த  கண்ணை   -   பார்த்த   கண்களுக்கு,
திறம்பிடாவகையை   -    நீங்காமையாகிய  விதத்தை,  செய்யும்  -
செய்துவிடும்,  இனி  -  இன்னமும்,  செப்புவது - சொல்வது, என் -
என்ன, எ-று.
       
     கண்ணை - உருபு மயக்கம். மற்று, ஓ - அசைகள்.(21)

 770. மயிலிய லன்னம் போலு மென்னடை மான்மை நோக்குங்
     குயில்குழன் மழலை நல்லியாழ் மொழிமலர்க் கொடிய னாடன்
     னியல்பெலாந் தூத ராற்சக் கராயுத னறிந்து பின்னைத்
     தையலைவச் சிராயு தற்குத் தருகெனத் தூது விட்டான்.