கட்கு - இப்பூமிக்கு, இறைவராக - அரசர்களாக, (அப்போது), நின்ற -
நிலை    பெற்ற, தம்    பகைவன்   - இவர்   தம்   சத்துருவாகிய
பிரதிவாஸுதேவன், வெம்பி - (இவர்களதிகாரத்தைப் பொறாதவனாகிக்)
கோபித்து,       (யுத்தோன்    முகனாக,      இவ்விருவகையாரின்
படைகளுமெதிர்த்தன;    அங்ஙனமெதிர்க்கவே      இருவகைப்படை
வீரர்களும்), மலைமிசை - உதய பர்வதத்திலெழுந்தருளும், பருதியோடு
- சூர்யனோடு,   மால் -  பெரிதாகிய,  கடலிரண்டு  வந்து - இரண்டு
ஸமுத்திரங்கள்   வந்து, நிலமிசை - பூமியின்மேல், பொருவபோன்று -
பொருவதுபோல,    (சூரியனைப்   போன்ற   தங்கள்     அரசர்கள்
மலைபோன்ற  யானைகளில் ஏறிவரத் தாங்கள் கடல்கள்போல் வந்து),
நின்று    - நேரே   நின்று,   போர் தொடங்கினார் - யுத்தம் செய்ய
வாரம்பித்தார்கள், எ-று.                                   (10)

901. துரகங்க டிரைக ளான சுறாவெறி வீர ரானார்
    கரிமக ரங்க ளான காற்படை கடல தாகப்
    பொருபடை வீரர் கைவாள் புரண்டெழு மீன் ளாகக்
    கரைசெறி நாவாய் தேராய்க் காவலர் காம ரானார்.

     (இ-ள்.) (அவ்வாறு  போர்   தொடங்கியபோது),  காற்படை -
பதாதிப் படைகள்,கடலதாக - ஸமுத்திரமாக, துரகங்கள் - குதிரைகள்,
திரைகளான   - அலைகளாயின,   எறி - ஒருவர்க்கொருவர் மேலே
ஆயுதங்களையெறிந்து   சண்டை தொடுக்கின்ற, வீரர் - ரணவீரர்கள்,
சுறாவானார் - மகரமத்ஸயங்களுக்கு ஒப்பானார்கள், கரி - யானைகள்,
மகரங்களான  -முதலைகளுக் கொப்பாயின, பொரும் - பொருதுகின்ற,
படைவீரர்    - படைவீரர்களின்,  கை - கையில் இராநின்ற, வாள் -
வாள்கள்,    புரண்டெழும்  - புரண்டு செல்கின்ற, மீன்களாக - மற்ற
மத்ஸயங்களுக்கொப்பாக,   கரை    செறி   - துறைமுகக்  கரையில்
சேரும்படியான, நாவாய் - கப்பல்கள், தேராய் - ரதங்களாக, காவலர்
- அரசர்கள், காமரானார் - மீகாமருக்கொப்பனார்கள், எ-று.     (11)

902. வில்லொடு வில்வந் தெற்ற வேலொடு வேல்வந் தெற்ற
     மல்லொடு மல்ல ரெற்ற வாட்படை வாளோ டெற்றக்
     கொல்களி யானை யோடு தேர்களுந் தம்மி லெற்ற
     நல்லுளைப் புரவி யோடு புரவிநாட் செய்த போரே.

     (இ-ள்.) (அங்ஙனமாய்      இருதிறப்படைகளும்       போர்
செய்யும்போது),    வில்லொடு  - விற்படைகளோடு, வில் வந்தெற்ற -
விற்படைகள்    வந்து  தாக்கவும், வேலொடு - வேலாயுதத்தையுடைய
சேனைகளோடு, வேல்வந்  தெற்ற - வேலாயுதத்தையுடைய சேனைகள்
வந்து    தாக்கவும்,    மல்லொடு  மல்ல யுத்தம் செய்யுமவர்களுடன்,
மல்லர் - மல்ல யுத்தஞ் செய்பவர்கள், ஏற்ற - தாக்கவும், வாட்படை -
வாள்    வல்லவர்கள்,  வாளோடு - வாள் வல்லார்களுடனே, ஏற்ற -
தாக்கவும், கொல் -