1389. பிண்டியுங் குடையுஞ் சீய வணையுஞ்சா மரையு மற்று
     மண்டவர்க் கிறைய மைத்தா னன்னவர்க் குரிய வாற்றா
     லுண்டற வமிர்தம் வந்தீங் குண்மினென் றொலித்த வூழி
     கண்டவர் கழலை வாழ்த்திக் காமக்கோ டணைக ணின்ற.

     (இ-ள்.)   பிண்டியும்    - அசோக விருக்ஷமும், குடையும் -
ஏகசத்திரமும்,   சீயவணையும்   -    சிம்மாஸனமும், சாமரையும் -
வெண்சாமரைகளும்,    மற்றும்   -     பின்னும் புஷ்பமாரி துந்துபி
முதலானவையும்,   அன்னவர்க்கு    -    அனகார கேவலிகளாகிய
அவர்கட்கு, உரியவாற்றால் - உரித்தான விதமாக, அண்டவர்க்கிறை -
தேவர்களுக்கதிபதியாகிய   ஸௌதர்மேந்திரன்,      அமைத்தான் -
நிருமித்தான்,ஈங்கு - இவ்விடத்தில், அறவமிர்தம் - தர்மாமிருதமானது,
உண்டு    -    உண்டாயிருக்கின்றது, வந்து  - பவ்வியர்களே வந்து,
உண்மின்   -    அனுபவியுங்கள்,    என்று -   என்று, ஒலித்த -
திவ்வியத்துவனி    சப்தித்தது, ஊழிகண்டவர் -      அனாதியாகிய
கர்மங்களை   ஜயித்து ஆத்ம ஸ்வரூபத்தைக் கண்டு அனந்த ஞான
அனந்த    தர்சனங்களையுடைய    இந்த     மேருமந்தரர்களாகிய
இருபகவான்களுடைய,  கழலை - பாதங்களை, வாழ்த்தி - தேவர்கள்
ஸ்துதிப்பதால்,     காமகோடணைகள் - அழகிய ஜயகோஷணைகள்,
நின்ற - நிலைபெற்றன, எ -று.                            (342)

1390. மந்தர மிரண்டைச் சூழ்ந்த தாதகி மலைகள் போல
     விந்திரர் விஞ்சை வேந்தர் மண்ணவ ரேனை யோர்கள்
     சுந்தர மலருஞ் சாந்துந் தூபமு மேந்தி மேரு
     மந்தர நாமர் பாதம் பணிந்துவாழ்த் தோடே ழுந்தார்.

     (இ-ள்.)   தாதகி   -     தாதகீஷண்டத்வீபத்தில் இராநின்ற,
மந்தரமிரண்டை    - இரண்டு மந்தர பர்வதங்களை, சூழ்ந்த - வேறு
வேறாகச் சூழ்ந்திராநின்ற, மலைகள், போல - குலகிரி பர்வதங்களைப்
போல,    இந்திரர்    -    சதேந்திரர்களும்,    விஞ்சை வேந்தர் -
வித்தியாதரவரசர்களும், மண்ணவர் - பூமியரசர்களும், ஏனையோர்கள்
- மற்றுமுள்ள    பவ்விய ஜீவர்களும், சுந்தரம் - அழகிய, மலரும் -
புஷ்பங்களும், சாந்தும் - சந்தனங்களும், தூபமும் - தூபதீபாதிகளும்,
ஏந்தி     - தரித்து,    மேருமந்தர     நாமர் - மேருமந்தரரென்கிற
பெயரையுடைய  பகவான்களுடைய, பாதம் - பாதங்களை, பணிந்து -
வணங்கி,   வாழ்த்தொடு - ஸ்துதி செய்வதுடன், எழுந்தார்  - எழுந்து
நின்றார்கள், எ-று.                                      (343)

வேறு.

1391. வெருவுறு துயரொடு விழவெழு துயருங்
     கருவுறு துயரொடு கடைவரு துயரும்