அஞ்சுகின்ற தன்மையருமாய் இருப்பர். ¹‘நான் சக்கரவர்த்தியிடத்தில் தமப்பன் முறையைப் பார்க்கின்றிலேன்; எனக்கு ஸ்ரீ ராம பிரானே தமையனும் சுவாமியும் உறவும் தமப்பனுமாக இருக்கின்றான்’ என்கிறபடியே, பெருமாளையே எல்லா உறவுமாகப் பற்றின இளைய பெருமாளைப் போன்று, இவரும் ²‘சேலேய் கண்ணியரும் பெருஞ்செல்வமும் நன்மக்களும், மேலாந் தாய் தந்தையும் அவரே’ என்று பகவானே அடையத் தகுந்தவர் என்னும் உறுதியை முடிவாக உடையராய் இருப்பர். ³‘நான் இரவு பகல் எந்நேரத்திலும் எல்லா அடிமைகளையும் உமக்குச் செய்வேன்; நீரோ, பிராட்டியோடு மலை அடிவாரங்களில் இன்புற்றிரும்,’ என்று இளைய பெருமாள் எவ்வகைத் தொண்டுகளையும் செய்து அல்லது தரியாதது போன்று; இவரும், ⁴‘ஒழிவில் காலம் எல்லாம் உடனாய் மன்னி, வழுவிலா அடிமை செய்ய வேண்டும் நாம்,’ என்று எல்லா அடிமைகளும் செய்து அல்லது தரியாத தன்மையராய் இருப்பர்.

    ⁵‘ஓ ஜனார்த்தனரே, உம்முடைய கல்யாண குணங்களின் சேர்க்கையையும், விபூதி நியமனத்தையும் மீண்டும் விரிவாகக் கூறுக; ஏன் என்றால், உம்முடைய மாகாத்மியமாகிய அமிருதத்தைக் கேட்கும் எனக்குத் திருப்தி கிடையாது,’ என்று கூறிய அருச்சுனனைப் போலவும், ⁶‘சமீபத்தில் வருகிற ஸ்ரீ ராமபிரானைப் பார்த்துக்கொண்டேயிருந்தும் தசரத சக்கரவர்த்தி திருப்தி அடைந்திலன்,’ என்று கூறப்படுகின்ற தசரத சக்கரவர்த்தியைப் போலவும், இவரும் காலம் என்னும் ஒரு பொருள் உள்ள வரையிலும் அநுபவித்தாலும் ⁷‘அப்பொழுதைக்கு அப்பொழுது என் ஆராஅமுதமே’ என்னும்படி மேன்மேல் எனப் பெருகி வருகின்ற அமையாத காதலையுடையராய் இருப்பர்.

    ‘நன்று; மேல் ⁸‘இவர்க்கு ஒப்புச் சொல்லல் ஆவார் ஒருவரும் இலர்,’ என்று கூறி இங்குச் சிலரை ஒப்புச் சொல்லல்

1. ஸ்ரீராமா. அயோத். 58 : 31.
2. திருவாய்மொழி, 5. 1 : 8.
3. ஸ்ரீராமா. அயோத். 31 : 25.
4. திருவாய்மொழி, 3. 3: 1.
5. ஸ்ரீ கீதை. 10 : 18.
6. ஸ்ரீராமா. அயோத், 3 : 29.
7. திருவாய்மொழி, 2. 5 : 4.
8. பக். 16 பார்க்க.