யால் அன்றோ என்று இன்னாதாகிறாள்,’ என்று ¹திருக்குருகைப் பிரான் பிள்ளான் பணிப்பர். ‘ஆயின், பிராட்டியின்மேல் வெறுப்பாக, பிள்ளான் இங்ஙனம் பணித்தல் தகுமோ?’ எனின், உறவு உள்ள இடத்திலேயன்றோ வெறுப்பும் உண்டாகும்? ஆதலால் தகும்.

    என் பிழைத்தாள் திருவடியின் தகவினுக்கு - ‘தத்தம் குற்றம் பாராமல் அருளச் சொல்லும் இத்தனையோ வேண்டுவது?’ என்று சொல்ல நினைந்தாராகில், ‘சுவாமியினுடைய திருவருளுக்கு என்ன குற்றத்தைச் செய்தாள்?’ என்று நீங்கள் சொல்லுங்கள். இனி, இதற்கு, என் குற்றத்தைப் பார்த்துத் ²தமிக்க நினைந்தாராகில், தம் பொறையாகிற நேர்தரவைக் காட்டுங்கள் என்னுதல். அதாவது, ‘சுவாமியான தம் பொறை வயிறு நிறைய எங்களால் குற்றஞ்செய்யப் போமோ?’ என்று சொல்லுங்கள் என்றபடி. ‘ஏன் செய்யப் போகாதோ?’ என்னில், ³ஆஸ்ரயத்துக்குத் தக்கபடி அன்றோ எல்லாம்? நாங்கள் குற்றம் செய்வதும் எங்கள் அளவிலே; தாம் பொறுப்பதும் தம் அளவிலேயன்றோ? ஆதலால், செய்யப் போகாது. இனி, இதற்கு ‘தேவரீர் திருவருளுக்குத் ⁴தண்ணீர் துரும்பாக வலம் வருதல், வணங்குதல் முதலியன எவையேனும் செய்தன உளவோ?’ என்று கூறலுமாம். ⁵‘பிறருடைய குற்றத்தைப் பொறுத்திருத்தலாகிய பெரிய தர்மமானது தேவரீரிடமிருந்தே என்னால் கேட்கப்பட்டது,’ என்று சொல்லும்படி இருக்கும் நிலைக்கு என் பிழைத்தாள் என்பாள், ‘திருவடியின் தகவினுக்கு என் பிழைத்தாள்’ என்கிறாள். ⁶‘கோபத்திற்குக் காரணம் யாது?’ என்கிறாள் தாரை; அதாவது,

1. ‘திருமாலார்’ என்ற சொல்லுக்கு நஞ்சீயர் நிர்வாகத்தில், ‘திருவினிடத்தில்
  மாலார்’ என்பது பொருள், பிள்ளான் நிர்வாகத்தில், ‘திருவின் மாலுக்கு
  விஷயமாக இருப்பவர்’ என்பது பொருள்.

2. தமிக்க - தண்டிக்க. நேர்தரவு - ‘குற்றம்பொறுத்தோம்’ என்று நேரில் கூறும்
  ஆணை.

3. ஆஸ்ரயத்துக்குத் தக்கபடியன்றோ எல்லாம்? என்றது, ‘விபுத்துவ அணுத்துவ
   ரூப ஆஸ்ரயத்துக்குத் தக்கவாறு’ என்பது பொருள்.

4. தண்ணீர் துரும்பு - தடை.

5. ஸ்ரீராமா. சந். 40 : 41.

6. ஸ்ரீராமா. கிஷ்கிந். 33 : 40.

      ‘மநுஜேந்த்ரபுத்ர - அறுபதினாயிரம் ஆண்டு செய்தார் செய்த
  குற்றங்களைப் பொறுத்துச் சேரவிட்டு ஆண்டுகொண்டு போந்தார் உங்கள்
  தமப்பனார்; அவர் வயிற்றிலே பிறந்து, குற்றம் செய்தோம் என்று தலையறுக்க