பொ-ரை : ஏழ் எருதுகளையும் அடர்த்துக் கொன்றான்; எழுவகைப்பட்ட உலகங்களையும் புசித்தான்; குளிர்ந்த பரமபதத்தில் செய்யும் விருப்பத்தை என்னிடத்தில் செய்து என் எண்ணத்தின்படியே தான் ஆனான்.

    வி-கு : தாமம் - இடம், ‘தண்’ என்ற அடைமொழி மோக்ஷ உலகத்தைக் குறிக்க வந்தது.

    ஈடு : ஏழாம் பாட்டு. ¹‘ஆவி நலம் கொண்ட அளவேயோ? பரமபதத்தில் செய்யும் அன்பையும் என் பக்கலிலே செய்தான்,’ என்கிறார்.

    ஏழ் விடை கொண்டான்-நப்பின்னைப் பிராட்டியினுடைய சேர்க்கைக்குத் தடையாய் இருந்த இடபங்கள் ஏழனையும் வென்றான். ‘இன்ன படைவீட்டை வென்றான்’ என்று கூற வேண்டுவதனை ‘இன்ன படைவீட்டைக் கொண்டான்’ என்று கூறுவது போன்று ²‘ஏழ்விடை கொண்டான்’ என்கிறார். உண்டான் ஏழ் வையம்-பிரளய ஆபத்தில் பூமி தன் வயிற்றில் புகாவிடில் தரியாதது போன்று, தான் என் பக்கலில் புகுந்து அல்லது தரியாதவன் ஆனான். இவற்றால் ‘தனக்குச் சிநேகிகளாய் இருப்பார்க்குச் செய்யுமதும் செய்தான்; தான் செய்யும் இரட்சணத்தை விலக்காதார்க்குச் செய்யுமதும் செய்தான்,’ என்பனவற்றைத் தெரிவித்தபடி. அதற்குமேல், தண் தாமம் செய்து - குளிர்ச்சியையுடைத்தான பரமபதத்தில் செய்யும் விருப்பத்தையும் என் பக்கலிலே செய்தான். இனி, ‘தண் தாமம் செய்து’ என்பதற்கு, ³இவ்வுலகில் இருக்கிற என்னைப் பரமபதத்தில் இருப்பவர்களுள் ஒருவனாக ஆதரித்து’ என்று பொருள் கூறலுமாம்

    என் எண் தான் ஆனானே - நான் விரும்பியபடியே எனக்குக் கைபுகுந்தான். இனி, இதற்கு, ‘என் விருப்பத்தைத் தான் கைக்கொண்டான்,’ என்று கூறலுமாம். அதாவது, ⁴‘மாகவைகுந்தம் காண்பதற்கு என்மனம், ஏகம் எண்ணும்,’ ⁵‘கண்ணன் விண்ணூர் தொழவே சரிகின்றது சங்கம்,’ என்கிறபடியே, ‘வைகுண்டத்திற்குச்

1. ‘தண்தாமம் செய்து’ என்றதனை நோக்கி அவதாரிகை அருளிச் செய்கிறார்.

2. ‘செருமலைந்து களங்கொள் மள்ளரின் முழங்கும் அத்தம்’ (அகம். 227.
  10-11.) என்ற இடத்துக் ‘கொள்’ என்பது இப்பொருளில் வருதல் ஒப்பு
  நோக்குக.

3. இப்பொருளில் ‘தாமம்’ என்பது இடவாகுபெயர்.

4. திருவாய். 9. 3 : 7.

5. திருவிருத்தம். 47.