உலகத்தில் (மண் ஆதியான) காரணமாயும், (குடம் முதலான) காரியமாயும், (தண்ணீர்கொண்டு வரலாகிற) பலமாயும் வரக் கூடியதான இவற்றுக்கு ¹நியந்தாவாக உள்ளவன். இனி, ²‘கிரியா சாதனம், அது அடியாக வரும் கிரியை, அதனால் சாதிக்கப்படுகிற காரியம், இவற்றுக்கு நிர்வாஹகனாய் இருக்குமவன்’ என்றும் ஆம். சீர் அணங்கு - ஸ்ரீயான அணங்கு; பெரிய பிராட்டியார். அணங்கு - தெய்வப்பெண். அன்றியே. ‘சீர் அணங்கு’ என்பதனை, அமரர் கட்கு அடைமொழி ஆக்குதலும் ஒன்று. சீர் அணங்கு அமரர் பிறர் தொழுது ஏத்த நின்று வாரணம் மருப்பு ஒசித்த பிரான் - சேஷத்வத்திற்குத் தகுதியான ஆத்தும குணங்களைத் தரிக்கின்றவர்களாய்ப் பிரகிருதி சம்பந்தம் இல்லாத தன்மையரான நித்தியசூரிகள், இவ்வருகு உண்டான சம்சாரிகள்,இப்படி, ‘சிறியார் பெரியார்’ என்னும் வாசி இன்றிக்கே, எல்லாரும் ³எழுத்து வாங்கி ஏத்தும்படியாக நின்று, ⁴குவலயாபீடத்தின் கொம்பை வருத்தம் இன்றி முரித்த உபகாரகன். ⁵‘தரையில் இருக்கும் இராமனுக்கும் தேரில் இருக்கும் அரக்கனுக்கும் சண்டை தகுந்தது அன்று என்று தேவர்கள் கந்தருவர்கள் தானவர்கள் ஆகிய இவர்கள் கூறினார்கள்’ என்பது போன்று, ‘அமரர் பிறர் தொழுது ஏத்த நின்று’ என்கிறார். என் மாதவனே - நான் தோற்ற துறை.

    ‘மாதவனான நாராயணன் எந்தை’ என முடிக்க.              

(2)

_____________________________________________________________

1. நியந்தா -ஏவுகிறவன். ‘காரணம் கிரிசை கருமம் இவை முதல்வன்’ என்ற இதனால்,

  ஐம்பெரும்பூதங்களையும், அவற்றின் காரியமான அண்டம் முதலானவற்றையும் அவற்றில்
  வசிக்கிற ஆத்துமாக்களின் செயல்களையும் கூறியபடி.

2. கிரிதா சாதனம் - மட்பிண்டம். தண்டசக்கரங்கள் முதலானவைகள். கிரியை  - தொழில்.
  அதனால் சாதிக்கப்படுகிற காரியம், குடம் முதலான காரியங்கள். இங்குக் கூறிய
  இரண்டாவது பொருளால், நிமித்தகாரணம் முதற்காரணம் துணைக்காரணங்களையும்,
  அவற்றின் காரியமான படைத்தல் முதலான காரியங்களையும், அவற்றால் உண்டான
  தேவர்கள் முதலான பதார்த்தங்களையும் தெரிவித்தபடி.

3. எழுத்து வாங்குகை - தலைவன் பெயரை மார்பிலே எழுதிக் கொள்ளுதல்; அடிமை
  என்பதனைத் தெரிவித்தல்.

4. அகாரத்தின் விவரணமான நாராயண சப்தத்திலே ‘அவ ரக்ஷண’ என்கிற ரக்ஷகத்வமும்
  அர்த்தசித்தமாகையாலே, ‘வாரணத்தை மருப்பு ஒசித்த பிரான்’ என்று அரிஷ்ட
  நிவர்த்தியையும் இப்பாசுரத்தில் அருளிச்செய்கிறார். 

5. ஸ்ரீவிஷ்ணு புரா.