அற்ற துக்கமேயான நரகம், இவற்றை உடலை விடுகின்ற காலத்தில் அடைக, அடையாதொழிக,’ என்றது, ‘சரீரத்திற்கு வேறுபட்டதாய் இருப்பது ஓர் ஆத்துமா உண்டாகவுமாம்: சரீரமே ஆத்துமா ஆகவுமாம்; இதில் எனக்கு ஒரு நிர்ப்பந்தம் இல்லை,’ என்கை. அதாவது, ‘சரீரத்திற்கு வேறுபட்டதாய் இருப்பது ஒரு பொருள் உண்டானால் அன்றோ சுவர்க்கம் முதலான அனுபவங்கள் உள்ளது? கேவல சரீரம் இங்கே எரிந்து போதலைக் காண்கிறோமே!’ என்றபடி. ¹சொரூப நிர்ணயத்திலே நிர்ப்பந்தம் இன்று, ‘தாம் யாரேனுமாக அமையும்’ என்று இருக்கிறவராதலின், ‘யானும்’ என்கிறார். இனி ‘இப்பேற்றைப் பெறுதற்குத் தகுதி இல்லாதவன்’ என்பார், ‘யானும்’ என்கிறார் எனலுமாம்.

    பிறப்பு இல் பல் பிறவிப் பெருமானை - பிறத்தற்குக் காரணமான கர்மம் இல்லாதிருக்கவும், கர்மங்கட்குக் கட்டுப்பட்டவர்களும் பிறவாத பிறவிகளிலே பிறக்க வல்ல, எல்லார்க்கும் தலைவனை. ²‘கர்மம் காரணமான பிறப்பு இல்லாமல் இருக்கிற சர்வேஸ்வரன் இச்சை அடியாகப் பல விதமாக அவதரிக்கிறான்; அதன் காரணத்தைப் பெரியோர்கள் அறிவார்கள், ‘என்பது மறைமொழி. மறப்பு ஒன்று இன்றி - அவதாரங்களிலும்  அவ்வவதாரங்களில் செய்யப்படும் செயல்களிலும் ஒரு மறதியும் இன்றி. இத்தலையில் உள்ளன எல்லாம் மறக்கலாம். அத்தலையில் உள்ளனவற்றுள் ஒன்றும் நழுவஒண்ணாது ஆதலின், ‘மறப்பு ஒன்று இன்றி’ என்கிறார். என்றும் மகிழ்வன் - என்றும் அனுபவிப்பேன். ‘மகிழ்ச்சி, அனுபவம்’ என்பன ஒரு பொருட்சொற்கள். ‘என்றும் அனுபவிப்பேன்’ என்கிறார். ஆக, இப்பாசுரத்தால் ஆத்துமசொரூபத்தை வெளியிடுகிறார்; ‘பெருமான்’ என்கையாலே தம்முடைய சேஷத்துவமும், ‘மறப்பொன்றின்றி’ என்கையாலே ³ஞாத்ருத்துவமும், ‘என்றும்’ என்கையாலே,

_____________________________________________________________

1. தேகத்திற்கு வேறுபட்டதாய் இருப்பதொரு வஸ்து இருந்தால் தான் சரீரம் நீங்கிய
  பின்னர்ப் புண்ணிய பாவங்களின் பலமான மோக்ஷசுவர்க்க நரகங்களின் பலன்களை
  அடைய முடியும்; ‘கேவலம் தேகமே ஆத்துமா’ என்றிருந்தால் அது இங்கே
  எரிக்கப்பட்டுவிடுகின்றமையால், சுவர்க்கம் முதலிய பதவிகளை அடைதல் முடியாது;
  ஆகையால், ‘எய்துக’ என்றது, தேகத்திற்கு வேறுபட்டதாய் இருப்பதோர் ஆத்துமாவைச்
  சொல்லுகிறது. ‘எய்தற்க’ என்றது, தேகமே ஆத்துமா என்பதனைச் சொல்லுகிறது
  என்றபடி.

2. யஜூர்வேதம் ஆ. பிர. 3. 8 : 17.

3. ஞாத்ருத்துவம் - அறியுந்தன்மை. நித்தியத்துவம் - என்றுமுள்ள தன்மை.
  போக்துருத்துவம் - நுகர்பவனாகுந்தன்மை.