பூமிப் பரப்பெல்லாம் திருவடிகளின்கீழே இட்டுக்கொண்ட. மால் தனில் - இவ்வதிமா நுஷச் செயல்களையுடைய சர்வேஸ்வரனைக் காட்டிலும் மிக்கும். ஓர் தேவும் உளதே - ஒக்கப் பரிமாறாநிற்க, ¹‘கட்டக்குடி’ என்று கழிக்கலாம் தெய்வந்தான் உண்டோ?

    ²‘எல்லார் தலைகளிலும் காலை வைத்தவனை ‘ஈஸ்வரன்’ என்னவோ, இவன் காலிலே துகையுண்டவர்களை ‘ஈஸ்வரர்கள்’ என்னவோ?’ என்கிறார்.

(3)

125

        தேவும் எப்பொருளும் படைக்கப்
        பூவில் நான்முகனைப் படைத்த
        தேவன் எம்பெருமானுக்கு அல்லால்
        பூவும் பூசனையும் தகுமே?

    பொ - ரை : தேவர்களையும் மற்றை எல்லாப் பொருள்களையும் உண்டாக்குவதற்குத் தனது திருவுந்தித் தாமரையினின்றும் நான்கு முகங்களையுடைய பிரமனைப் படைத்த ஒளியினையுடையவனான எம்பெருமானுக்கு அல்லாமல் ஏனையோர்க்கு மலர்களும் மலர்களால் அருச்சித்து வணங்கும் வணக்கமும் தகுவன ஆகுமோ? ஆகா என்றபடி.

    வி - கு : ‘தேவு - தெய்வத்துக்கு ஒரு பெயர்’ என்பர், நச்சினார்க்கினியர். (சிந். கட. வாழ்த்) ‘படைக்கப் படைத்த தேவன்’ என்றும், ‘அல்லால் தகுமோ?’ என்றும் முடிக்க. தகுமே - ஏகாரம் எதிர்மறைப் பொருளது. பூசனை - நாடோறும் கடவுளர்க்குச் செய்யப்படும் வழிபாடு முதலியன. ‘சிறப்பொடு பூசனை செல்லாது’ என்றார் திருவள்ளுவர்.

    ஈடு : நான்காம் பாட்டு ³‘சௌகுமார்யத்தாலும் முதன்மை யாலும் இவனே இறைவன்,’ என்கிறார்.

_____________________________________________________________

1. கட்டக்குடி - கஷ்டப்படுகிற குடும்பி; வறியவன் அல்லாதாரோடு ஒக்கப்
  பரிமாறாநிற்கச்செய்தே, ‘இறை இறுக்கமாட்டான்’ என்று கழிப்புண்ணும் கட்டக்குடி
  போலே என்றபடி.

2. ‘நிவந்தோங்கு உயர்கொடிச் சேவ லோய்! நின்
  சேவடி தொழாரு முளரோ? அவற்றுள்
  கீழேழ் உலகமும் உற்ற அடியினை’

(பரி. 3. 18 - 20.)

என்ற பகுதி ஈண்டு ஒப்பு நோக்குக.

3. ‘தேவன்’ என்றதனால் சௌகுமார்யமும், ‘எம்பெருமான்’ என்றதனால் முதன்மையும்
  பெறப்படும்.