வந்திருக்கை; அதாவது, மென்மையையுடையவள் ஆகுகை. பிரிந்து கலக்கப் பொறாத சௌகுமார்யத்தையுடையவள் என்றபடி. ஆக, பிராட்டி நிலையைக் கண்ட திருவடியைப் போலே இருக்கிறது காணும், இப்பெண்பிள்ளை நிலையைக்கண்ட திருத்தாயார்க்கு; ¹‘இவளைப் பிரிந்து சமாதானம் பண்ணியிருந்த பெருமாள் சால அரிதாகச் செய்தார், இவளைப் பிரிந்து  தேகத்தைத் தரித்திருந்தார் என்பது யாது ஒன்று, அதனைச் சாலஅரிதாகச் செய்தார்; ²யானை ஏறவும் குதிரை ஏறவும் நாடு ஆளவும் கற்றாரித்தனை; பிரணய தாரையில் புதியது உண்டிலர்,’ என்பது திருவடி வார்த்தை. மால்ய வானில் பெருமாள் இருந்த போது கார் காலத்திலே பட்ட பாட்டைக் கண்டு, ‘வசிஷ்ட சிஷ்யன், ஒரு பெண் நிமித்தமாக இப்படிப் படுவதே!’ என்று பழித்துச் சிரித்திருந்தான் விரக்தன் ஆகையாலே; இப்போது ‘இவளைப் பிரிந்து தேகத்தைத் தரித்துக் கொண்டிருப்பதே!’ என்கிறான் விசேஷஜ்ஞன் ஆகையாலே. ‘இது ஏதேனும் ³இரவல் உடம்போ சுமந்து கொண்டு இருக்கைக்கு? இன்பத்திற்கு நிலைக்களம் அன்றோ? துக்கத்துக்கு நிலைக்களமோ இது? பிரிந்தால் கிரமத்திலே கூடுகிறோம் என்று தரித்திருக்க வல்லள் அல்லளே?’ என்கிறாள் என்றபடி.

    உம்மை - இவள்படியன்றோ உமக்கு உபதேசிக்க வேண்டுவது; உம்மை நீர் அறியாமை இல்லையே; ‘நம்மைப் பிரிந்தார்கள் பிழையார்கள்’ என்று இருக்க வேண்டாவோ?’ வாணுதல் இம்மடவரல் உம்மை - ⁴‘சக்கரவர்த்தி திருமகனுக்குத் தகுந்த சீலம், வயது, ஒழுக்கம், ஒத்த குலம், இராஜ இலக்கணம் இவற்றையுடையளாய் இருக்கிற பிராட்டிக்கு, பெருமாள் தகுந்தவர்; கறுத்த கண்களை

_____________________________________________________________

1. ஸ்ரீராமா. சுந். 15 : 53

2. இத்தனை நாளும் ‘பிரணயி’ என்று பிரமித்திருந்தோம்; பிரணயிகள் படி அன்றிக்கே,
  பிரிந்து தரித்திருக்கையாலே பிரணயி அல்லர்; கேவலம் பிரபு என்றபடி. புதியது
  உண்டிலர் - ஏகதேசமும் அனுபவித்திலர். புதியது உண்கை - ஏகதேச அனுபவம்.
 

  ‘இப்போது இவளைக் கண்டு இப்படிச் சொல்லுகையாலே, இவளைக் காணாமையாலே
  அவன் பழித்தான்’ என்பது, பொருளாற்றலால் போதரும்.

3. இரவல் உடம்போ - பிராட்டியின் உடம்பு போன்று பரதந்திரமான உடம்போ?

4. ஸ்ரீராமா. சுந். 16 : 5.

  ‘நம்பியைக் காண நங்கைக்கு ஆயிரம் நயனம் வேண்டும்.
  கொம்பினைக் காணுந் தோறும் குரிசிற்கும் அன்ன தேயாம்’

  என்று, மேற்கூறிய சுலோகத்தின் பொருளையே வேறொரு வகையாகக் கூறுவர் கம்பர்.