அனுபவிக்கும்படியாக அவதரித்தான்,’ என்றபடி. படி - திருமேனி; ¹‘படிகண்டு அறிதியே’, ²‘செவ்விப் படிக்கோலம்’ என்பன அருளிச்செயல். ³‘பல படிகளாலும் இவர்களை நாம் பாதுகாக்க வேணும்,’ என்று அவன் வந்து அவதரித்தால் ஒரு படியாலும் திருந்தாதபடியே அன்றோ இவர்கள் படி இருப்பது? ‘ஆயின், பல படிகளால் அவதரிக்குமோ?’ எனின், ⁴‘கர்மம் காரணமான பிறப்பு இல்லாமலிருக்கிற சர்வேசுவரன் இச்சையடியாக அநேக விதங்களாக மற்றைய இனத்தினனாய் வந்து அவதரிக்கிறான்,’ என்றும், ⁵‘அந்தப் பரமாத்துமாவினுடைய சரீரமானது பஞ்ச பூதங்களின் சேர்க்கையால் உண்டாயது அன்று,’ என்றும், ⁶‘அந்தப் பரமாத்துமாவுக்குச் சதை கொழுப்பு எலும்பு இவைகளால் உண்டான இவ்வுலக சம்பந்தமான சரீரம் இல்லை,’ என்றும், ⁷‘கல்பந்தோறும் கல்பந்தோறும் உம்முடைய திருமேனியோடு அவதரித்தவராய் அடைந்தவர்களான எங்களைக் காப்பாற்றவேண்டும்,’ என்றும், ⁸‘முன்னை வண்ணம் பாலின் வண்ணம் முழுதும் நிலைநின்ற, பின்னை வண்ணம் கொண்டல் வண்ணம்’ என்றும், ⁹‘பாலின் நீர்மை செம்பொன் நீர்மை பாசியின் பசும்புறம், போலு நீர்மை பொற்புடைத் தடத்து வண்டு விண்டு உலாம் நீல நீர்மை’ என்றும் சொல்லுகிறபடியே பல படிகளாலே அன்றோ திருவவதரிப்பது?

    ‘பல விக்கிரஹங்களாலே’ என்றபடி. இப்படிப் பிறவா நின்றாலும், ¹⁰‘பிரபுவான கிருஷ்ணன் கர்ப்பவாசம் செய்யும் தன்மையை அடையவில்லை; யோனியிலும் வசிக்கவில்லை’ என்கிற

_____________________________________________________

1. திருமேனி என்பதற்கு மேற்கோள் ‘படிகண்டறிதியே’ என்பது முதலாயின.
  இது, முதல் திருவந். 85.

2. இரண்டாந்திருவந். 82.

3. ‘பலபடிகளாலும்’, ‘ஒருபடியாலும்’ என்பனவும் சிலேடை: பொருள் மேலே
  கூறப்பட்டது.

4. யஜூர்வேதம். ஆ. பிர, 3. 8 : 17.

5. பாரதம்

6. பாரதம்

7. பாரதம், மௌஸல பர்வம்

8. பெரிய திருமொழி, 4. 9 : 8.

9. திருச்சந்தவிருத்தம், 44.

10. பாரதம்