நான்முகனை மூழ்த்த நீர் உலகெல்லாம் படை என்று முதல் படைத்தாய் - உன்னுடைய சங்கற்பத்தின் ஆயிரத்தில் ஒரு கூற்றிலே பிரமனை, ‘கடல்சூழ்ந்த பூமியையெல்லாம் உண்டாக்கு,’ என்று முதல் படைத்தாய்; ஆதலால், உன்னாலே படைக்கப்பட்டவனான பிரமனாலே படைக்கப்பட்டவர்கள் உன்னை ஏத்த என்று ஒரு பொருளுண்டோ?’ என்றபடி. இனி, ‘வாழ்த்துவார் பலராக’ என்பதற்கு, ¹’வாழ்த்துகின்றவர் பலர் உண்டாகைக்காக’ என்றும், ‘மூழ்த்த நீர் உலகெல்லாம் படை என்று முதல் படைத்தாய்’ என்பதற்குப் ‘பிரளய வெள்ளத்திலே உலகங்களை உண்டாக்கு’ என்று பிரமனை உண்டாக்கினாய் என்றும் பொருள் கூறுவாரும் உளர். மூழ்த்த நீர் - ஏகார்ணவம்.

    ‘ஆயின், இவர்களையொழிய ஞானத்தில் மேம்பட்டவர்களான சிவபிரான் முதலானவர்களையும் கூட்டிக்கொண்டாலோ?’ என்ன, ‘அவர்களுக்கும் நிலமன்று’ என்கிறார் மேல்: அதாவது, ²’இப்பங்களத்தை விட்டுக் கால் கடியரானவர்கள் ஏத்தப் புக்கால்தான் எல்லை காணப் போமோ?’ என்கிறார் என்றபடி. கேழ்த்த சீர் அரன் முதலாக் கிளர் தெய்வமாய்க் கிளர்ந்து சூழ்த்து அமரர் துதித்தால் உன் தொல் புகழ் மாசு உணாதே - கிளர்ந்த ஞான முதலான குணங்களையுடையனான சிவபிரான் தொடக்கமாக, சர்வேசுவரனோடு மசக்குப்பரலிடலாம்படி கிளர்ந்த தேவதைகள், முசு வால் எடுத்தாற்போன்று கிளர்ந்து ³ஒருவர் சொன்னவிடம் ஒருவர் சொல்லாமல் ஒரோ பிரயோஜகங்களிலே மிகைத்த ஆயுள்களை உடையராய் இருக்கிறவர்கள் துதி செய்தால், உன்னுடைய

_____________________________________________________

1. ‘வாழ்த்துவார் பலர் உண்டாகைக்காகப் படைத்தாய்’ என்ற இரண்டாவது
  பொருளுக்குப் ‘படைத்தாயாகிலும் அது காரியகரமாயிற்றில்லை’ என்பது
  கருத்து.

2. பங்களம் - பதர்க்கூட்டம். கால் கடியர் - சத்திமான்கள். மசக்குப் பரலிடல் -
  ஐயப்படுதல். முசு - கொண்டை முசு. ‘கோலாங்கூலம்’ என்பர்
  அரும்பதவுரைகாரர்.

3. ‘சூழ்த்து’ என்றதன் பொருள், ‘ஒருவர் சொன்னவிடம் ஒருவர் சொல்லாமல்’
  என்பது, சூழ்த்து - கூறிட்டு. ‘ஏக தேசத்தை வளைத்துக் கொண்டு’ என்றபடி.
  பிரயோஜகம் - காரணம், ‘அமரர்’ என்றதனை நோக்கி மிகைத்த
  ஆயுள்களையுடையராய்’ என்கிறார்.