அன்றி மற்று இலேன் தஞ்சமாகவே - இவ்விடத்தைப் பட்டர் அருளிச்செய்யாநிற்க, நஞ்சீயர், ‘இவர் புக்க இடம் எங்கும் ¹இப்படியே சொல்லுவர்; இவர்க்கு இது பணியே அன்றோ?’ என்ன, ‘இவர் மற்றோரிடத்தில் தலை நீட்டுவது ²பாவ நத்வத்தைப் பற்ற; இவர் ³தஞ்சமாக நினைத்திருப்பது சக்கரவர்த்தி திருமகனையே,’ என்று அருளிச்செய்தார். ⁴‘‘ஸ்ரீராமா, நீதான் எல்லா உலகங்களிலுள்ள எல்லா உயிர்கட்கும் பாவத்தைப் போக்குகின்றவனாய் இருக்கிறாய்,’ என்கிறது இல்லையோ இவரையும்?’ என்ன, ⁵‘அவனும் இவரோடு ஒத்தான் ஒருவன்; இவர் ‘இனிய பொருள் வேறில்லை’ என்றிருக்குமாறு போன்று, அவன் ‘பாவநத்துக்கும் இவர் ஒழிய வேறில்லை’ என்றிருப்பான் ஒருவனாயிற்று.’ ⁶பட்டர் இராமாவதாரத்தில் பக்ஷபாதத்தாலே அருளிச்செய்யுமது கேட்கைக்காக, சிறியாத்தான், ‘பெருமாளுக்கு எல்லா ஏற்றங்களும் அருளிச்செய்ததேயாகிலும், பாண்டவர்களுக்காகக் கழுத்திலே ஓலை கட்டித் தூது போன கிருஷ்ணனுடைய நீர்மை இல்லையே சக்கரவர்த்தி திருமகனுக்கு? என்ன, ‘அதுவோ! பெருமாள் தூது போகாமை அன்றுகாண்; இக்ஷ்வாகு குலத்தாரைத் தூது போக விடுவார் இல்லாமைகாண்,’ என்று அருளிச் செய்தார்.

    ‘அவ்வவதாரத்தில் அக்குறை தீருகைக்காக அன்றோ கிருஷ்ணனாக அவதரித்துத் தூது போயிற்று? ⁷‘முன்னோர் தூது வான ரத்தின் வாயில் மொழிந்து அரக்கன், மன்னூர்

__________________________________________________

1. ‘இப்படியே சொல்லுவர்’ என்றது, ‘ஞானப்பிரானையல்லால் இல்லை நான்
  கண்ட நல்லதுவே,’ ‘வாணனை ஆயிரம் தோள் துணித்தான் சரண் அன்றி
  மற்றொன்று இலமே’ என்பன முதலாக வருகின்றவைகளைத் திருவுள்ளம்
  பற்றி.

2. பாவனத்வம் - பரிசுத்தமாம் தன்மை.

3. தஞ்சமாக - போக்கியமாக, ‘தஞ்சமாக’ என்பதற்கு, அவதாரிகையில்
  ரக்ஷகத்வபரமாக அருளிச்செய்தாலும், பட்டருக்குத் திருவுள்ளம்
  போக்கியதையிலே.

4. ஸ்ரீராமா. உத். 82 : 9. ‘இவரையும்’ என்றது, ஸ்ரீராமபிரானை.

5. ‘அவனும்’ என்றது, அகத்தியரை. ‘இவர்’ என்றது, ஆழ்வாரை.

6. பட்டருக்கு ஸ்ரீராமாவதாரத்தில் ஈடுபாடு மிக அதிகம். ‘மைவண்ண
  நறுங்குறுஞ்சி’ (திருநெடுந்தாண்) வியாக்கியானம் பார்க்க.

7. பெரிய திருமொழி, 2. 2 : 3.