பட்டது அன்றோ ஸ்ரீ கஜேந்திராழ்வானுக்கு? ‘நீர் இளவரசாக முடி சூடாவிடில் நாம் முடி சூடோம்,’ என்று பெருமாள் அருளிச் செய்யவும் ¹முடி சூட இசையாத இளைய பெருமாளை அன்றோ, ‘இலக்ஷ்மணன் ஐஸ்வரியத்தால் நிறையப்பெற்றவன்,’ என்றது?

    மற்றும், ஸ்ரீ பரதாழ்வானை, ‘பிள்ளாய்! உன் உள் வெதுப்பு ஆறுவது எப்போதோ!’ என்று கேட்க, ²‘இராஜ இலக்கணம் பொருந்திய தமையனாருடைய திருவடிகளைத் தலையிலே எதுவரையிலும் தாங்கமாட்டேனோ, அது வரையிலும் எனக்கு நிம்மதியானது உண்டாகமாட்டாது,’ என்கிறபடியே, பெருமாளும் தமக்கு வகுத்த முடி சூடி, நானும் எனக்கு வகுத்த முடி சூடின அன்று ஆறும்,’ என்றான் அன்றோ? ³‘அரசு அமர்ந்தான் அடி சூடும் அரசு’ என்றார் ஸ்ரீ குலசேகரப் பெருமாள். ‘அடியிலே தலையாக வாழ அடியிடுகிறார்,’ என்றபடி. ⁴‘வைஸ்ரவணன்’ என்னுமாறு போன்று, பாரதந்திரியமாகிற செல்வத்தையுடையவர்களாதலின், ‘உடையார்’ என்கிறார். ‘இச்செல்வத்தை உடையர் ஆகிறார்கள்: மற்று என்ன ஏற்றம் உண்டாக வேண்டும் இவர்களை ஆதரிக்கைக்கு?’ என்னில், எவரேலும் - ஜன்ம ஒழுக்க ஞானங்கள் எவையேனும் ஆகவுமாம்; இது உண்டாமத்தனையே வேண்டுவது. அவர் கண்டீர் - ‘அடியார்’ என்றே தங்களை நிரூபிக்க வேண்டும்படியாய், வைணவனாம் தன்மைக்கு விரோதியான பிறப்பு முதலியவைகளால் வரும் அபிமானம் இல்லாதார் நமக்குத் தேட்டம்,’ என்கிறார்; ‘பிறப்பு ஒழுக்கம் ஞானம் இவைகளால் வரும் அபிமானம் பகவானுக்கு அடிமைப்படுதற்கு விரோதியாகையாலே அவை இல்லாதார் உத்தேசியர்,’ என்கிறார் என்றபடி.

    ‘அவர்கள் எத்தனை நாள்களுக்கு உத்தேசியர்?’ என்ன, பயிலும் பிறப்பிடை தோறு - மேன்மேல் என நெருங்கி வருகிற பிறவிகளில் அவகாசங்கள்தோறும். ⁵‘நின் பன் மா மாயப் பல்

_____________________________________________________

1. ஸ்ரீராமா. யுத்த. 131 : 88.

2. ஸ்ரீராமா, அயோத். 98 : 8.

3. பெருமாள் திருமொழி, 10 : 7. ‘அடியிலே தலையாக வாழ அடியிடுகிறார்’
  என்றது, சிலேடை: திருவடிகளிலே தலையை வைத்துக்கொண்டு வாழ’
  என்றும், ‘முன்னே சிறப்பாக வாழ’ என்றும் பொருள்படும்.

4. வைஸ்ரவணன் - விசிரவசுவினுடைய புத்திரன்; குபேரன்.

5. திருவாய். 3. 2 : 2.