ஆக்கையின் வழி உழல்வேன் - ¹நீ ஒன்றை நினைத்துத் தந்தாய்; நான் சரீரத்தின் வழியே போந்தேன். ‘தெப்பத்தை நூக்கிச் சென்று பெருமாளைச் சேவிக்கலாயிருக்க, ‘சரீரம் பாங்கன்று’ என்று நீரின் வழியே சென்று கடலிலே புகுவாரைப் போலே, இதர விஷயப் பிராவண்யத்துக்கு உறுப்பாக்கிக் கேட்டினை விளைத்துக்கொண்டேன்,’ என்கிறார் என்பர் எம்பார். வெந்நாள் - சொரூப ஞானம் பிறந்த பின்பு சமுசாரத்திலிருக்கிற இருப்பு, பிராட்டி இலங்கையிலே இருந்தாற்போன்று தோற்றாநின்றது காணும் இவர்க்கு; ஆதலின், ‘வெம்நாள்’ என்கிறார். இனி, பகவானைப் பிரிந்து இருக்கையாலே, நெருப்பை ஏறட்டினாற் போலே இருக்கிறதாதலின் ‘வெம்நாள்’ என்கிறார். என்னுதல். நோய்-பிறவி. இனி, ‘பகவானைப் பிரிந்த பிரிவாலுளதாய நோய்’ என்னுதல். ‘ஆயின், நோய் என்பது பிரிவாகிய நோயினைக் காட்டுமோ?’ எனின், ²ஸ்ரீபரதாழ்வானுடைய நோய் என்றால் சாதுர்த்திகமாயிராது இராமவிரகத்தாலேயாயிருக்குமே? அப்படியே இவர் நோயும் பிரசித்தங்காணும். வீய - முடிய.

    வினைகளை வேர் அறப் பாய்ந்து எந்நாள் யான் உன்னை இனி வந்து கூடுவன் - பிரிவுத் துன்பத்துக்கு அடியான அவித்தியை முதலானவைகளை வாசனையோடே போக்கி உன்னை நான் எப்பொழுது வந்து கூடுவன்? ³‘என் கணவர், இராக்கதர்களுக்கு அழிவினைச்செய்து, இராவணனையும் கொன்று, இலங்கையையும் வேரோடு அழித்து, எப்பொழுது என்னைப் பார்ப்பார்?’ என்று பிராட்டி கூறியது போன்று ‘எந்நாள் இனி வந்து கூடுவன்?’ என்கிறார். ⁴‘பாய்ந்து’ என்பதில் சினம் தோற்றுகிறது. ‘ஒரு ⁵சர்வ சத்தி செய்யுமதனை யான் செய்யவோ?’ என்கிறார். எந்நாள் - எனக்கு இப்போதே பெறவேண்டும்’ என்னும் விருப்பமில்லை; ⁶பதினான்கு வருடங்கள் நிறைந்திருக்க, பஞ்சமி திதி

___________________________________________________

1. ‘ஒன்றை நினைத்து’ என்றது, ‘சரணகமல சமாஸ்ரயணத்துக்குக் காரணமாம்
  என்று நினைத்து’ என்றபடி.

2. திருவாய்மொழி முதற்பத்து ஈட்டின் தமிழாக்கம், பக். 157 குறிப்புக் காண்க.

3. ஸ்ரீராமா, சுந். 37 : 6.

4. ‘போக்கி’ என்னாது ‘பாய்ந்து’ என்கிறாராதலின், ‘சினம் தோற்றுகிறது’
  என்கிறார்.

5. சர்வசக்தி - எல்லாம் வல்ல இறைவன்.

6. ஸ்ரீராமா. யுத்த. 127 : 1.