காரியத்தை மறுப்பரோ? இதுவன்றோ கைங்கரியத்தில் சாபலமுடையார் இருக்கும்படி?’

    நாம் - தம் திருவுள்ளத்தையுங்கூட்டி ‘நாம்’ என்கிறாராதல்; அன்றி, ¹கேசவன் தமர்க்குப் பின்பு இவர்தாம் தனியரல்லாமையாலே திருவுள்ளம் போலேயிருக்கும் ஸ்ரீ வைஷ்ணவர்களையும் கூட்டிக்கொண்டு, ‘நாம்’ என்கிறாராதல். அடிமை செய்யக் கோலுகிற இவருடைய பாரிப்பேயன்றி, அடிமை கொள்ளக் கோலுகிறவனுடைய பாரிப்பு இருக்கிறபடி சொல்லுகிறது மேல்: இருந்தவிடத்திலேயிருந்து மநோரதிக்கிறார் இத்தனையன்றோ இவர்? அவன் தனக்குக் ²கலவிருக்கையான கலங்காப் பெருநகரத்தை விட்டு இவ்வளவும் வர வந்து திருமலையிலே நின்று, தன் அநுஷ்டானத்தாலே தெரிவிக்கிறானன்றோ தன் பாரிப்பை?

    தெழி குரல் அருவி - கம்பீரமான ஒலியையுடைத்தான அருவிகளையுடைய. ³திருஅருவியின் ஒலியுங்கூடக் கொள்ளத் தக்கதாயிருக்கிறது இவர்க்கு, அந்நிலத்திலுள்ளதொன்றாகையாலே. இந்த ஒலி, இவர்க்குக் ‘கைங்கரிய ருசியுடையார் அடிமை செய்ய வாருங்கோள்’ என்றாற்போலே இருக்கிறது. ⁴‘சிலைக்கை வேடர் தெழிப்பு அறாத’ என்று திருவேங்கட யாத்திரை போகிறவர்களைப் பறிக்கிற வேடருடைய ஆரவாரமும் உத்தேஸ்யமாயிருக்கிறதன்றோ அந்நிலத்திலுள்ளதொன்றாகையாலே? ஆக, அங்குத்தைத் திருவேடர் பறிக்கிற ஆரவாரமுங் கூட உத்தேஸ்யமாயிருக்கும்போது இவர்க்கு இந்தத் திருஅருவியின் ஒலியுங்கூட உத்தேஸ்யமாகச் சொல்லவேணுமோ? திருவேங்கடத்து எழில் கொள் சோதி - ‘அடிமை கொள்ளுகைக்குப் பாங்

__________________________________________________

1. ‘கேசவன் தமர்க்குப் பின்பு’ என்றது. ‘கேசவன் தமர்’ என்ற
  திருவாய்மொழியைப் பாடினதற்குப் பின்னர் என்றபடி.

2. கலவிருக்கை -ஓலக்கம், நெஞ்சு பொருந்தியிருத்தல், கொலுச்சாவடி. கலங்காப்
  பெருநகரம் - பரமபதம்.

3. ‘தம் உத்தேஸ்யத்தை விட்டு அருவிகளின் ஒலியை வருணிப்பது என்?’ என்ற
  வினாவைத் திருவுளத்தே கொண்டு, அதற்கு இரண்டு வகையில் விடை
  அருளிச்செய்கிறார், ‘திருஅருவியின் ஒலியும்’ என்று தொடங்கி.

4. பெரிய திருமொழி, 1. 7 : 2.