அனுபவித்தார்; இவர் அனுபவத்துக்குப் பாசுரமிட்டுச் சொல்லுவார் ஒருவராகையாலே, அனுபவித்த அம்முறையே ‘கண் பாதம் கை’ என்று இத்திருப்பாசுரத்தில் அருளிச்செய்கிறார் என்று கோடலும் ஒன்று. ‘நின்கண்’ என்கையாலே, ‘உனது முகச்சோதி’ என்றதனை நினைக்கிறது; ‘பாதம்’ என்கையாலே ‘அடிச்சோதி’ என்றதனை நினைக்கின்றது; ‘கை’ என்றதனால், ‘கடிச்சோதியை’ நினைக்கின்றது. ஈண்டுக் ¹’கை’ என்றது, நடு அனுபவித்த அழகுக்கு உபலக்ஷணம்.

    சுட்டு உரைத்த நன்பொன் உன் திருமேனி ஒளி ஒவ்வாது - காய்ச்சி ஓடவைத்து உரைத்த நன்றான பொன்னானது உன்னுடைய சுவபாவிகமான திவ்விய விக்கிரகத்தின் ஒளிக்கு ஒப்பாகாது. சாதாரணமான பொன் உவமை சொல்லத் தக்கதன்றாதலின், ‘சுட்டு உரைத்த நன்’ என்று மூன்று அடைகொடுத்து விதந்து ஓதுகிறார், இத்தனை அடை கொடுத்தாலாயிற்று ஒப்பாகச் சொல்லப் ²பாத்தம் போராதது; ‘பரம்பொருள் ஓடவைத்த பொன்னின் நிறமுடையவன்’ என்பது மநு ஸ்மிருதி. ஒட்டு உரைத்து - உனக்கு ஒப்பாகச்சொல்லி. ஒட்டாவது - கூடுகை; அதாவது - சேர்க்கை: ³ஒப்பாயிருத்தல். இவ்வுலகு - காண்கிற இவற்றிற்கு மேற்பட அறியாத இவ்வுலகத்தார். ‘இவ்வுலகத்திலுள்ள பொருள்களின் வைலக்ஷண்யமும் அறியாதவர்கள்’ எனலுமாம். ‘கட்டில் கத்துகிறது’ என்பது போன்று, ⁴’இவ்வுலகு புகழ்வு’ என்கிறார். உன்னை - சாஸ்திரங்களாலேயே அறியக் கூடியவனாய், அவை தாமும் புகழப்புக்கால், ⁵’அந்த ஆனந்த குணத்தினின்றும் வாக்குகள் திரும்புகின்றனவோ?’ என்னும்படி மீளும்படியான உன்னை. புகழ்வு எல்லாம் - உள்ளதுஞ்சொல்லி,

____________________________________________________
1. மேற்பாசுரத்தில் அனுபவித்த, ‘கடிச்சோதியை’ உபலக்ஷணத்தால் ஈண்டுக்
  ‘கை’ என்கிறார் என்றபடி.

2. பாத்தம் - விஷயம்.

3. ‘தொழில்நிலை ஒட்டும் ஒன்றலங் கடையே,’ என்ற இடத்து ‘ஒட்டும் என்பது
  உவமச்சொல்’ என்றார், சேனாவரையர். (தொல், சொல். சூ. 70.)

4. ‘இடவாகு பெயர்’ என்றபடி.

5. தைத்திரீய. ஆனந்த. 9 : 1.