இல்கள் எல்லாம் கடல்வண்ணன் கோயிலே என்னும் - ¹கல் புதைத்துக் கிடக்கும் இடங்களைக் காணில், அவையெல்லாம் பெரிய பெருமாள் பள்ளிகொண்டருளுகிற கோயிலே என்பாள். ²இவற்றிற்கு உள்ளீடு சர்வேசுவரன் ஆகையாலே, இவற்றைக் ‘கரு’ என்கிறது. ‘திசைமுகன் கருவுள் இருந்து படைத்திட்ட கருமங்களும்’ என்பது மறைமொழி. வெருவிலும் வீழ்விலும் ஓவாக் கண்ணன் கழல்கள் விரும்பும் - தெளிவுடையளாய்ப் பந்துக்களைக் கண்டு அஞ்சியிருக்கும் போதோடு அறிவு அழிந்து மோகித்த சமயத்தோடு வாசி அற, இடைவிடாதே கிருஷ்ணன் திருவடிகளையே விரும்பாநிற்பாள். ³‘இது, என்றும் ஒரே தன்மையாய் இருக்கும். மாறாடி வருவது மோஹமும் உணர்த்தியும்; நிலையாயிருப்பது இதுவே. இதனால், பகவானிடத்தில் ஈடுபட்டு இருக்குந்தன்மை இவர்க்கு உயிரோடு சேர்ந்தேயிருப்பது என்றபடி.                    

(8)

374

        விரும்பிப் பகவரைக் காணில்,
            ‘வியலிடம் உண்டானே’ என்னும்;
        கரும்பெரு மேகங்கள் காணில்,
            ‘கண்ணன்’ என்று ஏறப் பறக்கும்;
        பெரும்புலம் ஆநிரை காணில்,
            ‘பிரான்உளன்’ என்றுபின் செல்லும்;
        அரும்பெறல் பெண்ணினை மாயோன்
            அலற்றி அயர்ப்பிக்கின் றானே.

    பொ-ரை : ‘பகவானுக்கு அடிமைப்பட்ட துறவிகளைக் கண்டால், விரும்பி, ‘அகன்ற உலகத்தை எல்லாம் புசித்த திருமால்’ என்பாள்;

_____________________________________________________

1. மற்றைத் தெய்வங்களின் உருவங்களைக் கண்டால் துச்சமாக
  நினைத்திருப்பவராகையாலே, ‘கல் புதைத்துக் கிடக்கும்’ என்கிறார். ‘அந்தக்
  கல்லிற்கும் இந்தக் கல்லிற்கும் வேறுபாடு கண்டிலேன்’ என்றார் ஒரு
  பெரியார். இந்தக்கல் - அம்மிக்கல்.

2. ‘மற்றைத் தேவர்களைக் ‘கரு’ என்னலாமோ?’ என்ன, அதற்கு விடை
  அருளிச்செய்கிறார், ‘இவற்றிற்கு உள்ளீடு’ என்று தொடங்கி. தாம் கூறியதற்கு
  மேற்கோள் காட்டுகிறார், ‘திசைமுகன்’ என்று. இது, திருவாய். 5. 10 : 8.

3. ஓவாக் கண்ணன் கழல்கள் விரும்பும்’ என்றதற்கு பாவம் அருளிச்செய்கிறார்,
  ‘இது என்றும்’ என்று தொடங்கி.