தாமரை போன்ற பாதங்களை அடைவதனாலே பிறவியின் பயனை அடைந்தவனாகக் கடவேன்,’ என்பதனைக் கேட்ட ஆளவந்தார், ‘வார்த்தை அழகியது! வகுத்த விஷயத்திலேயாகப் பெற்றிலோம்,’ என்று அருளிச்செய்தார்.

    எண் திசையும் உள்ள பூக்கொண்டு - விஷயத்திற்குத் தகுதியாகவும் தம்முடைய ஆசைக்குத் தகுதியாகவும் இருக்க வேண்டுமாதலின், ‘எண் திசையும் உள்ள பூ’ என்கிறார். ¹தம்முடைய ஆசைக்குத் தகுதியாக ‘ஆசையில் உள்ளவை எல்லாம் வேண்டும்,’ என்கிறார். அவ்வாசைதான் திக்குப்பட்டே அன்றோ இருப்பது? கலியர் ‘கல அரிசிச்சோறு உண்ண வேண்டும்,’ என்னுமாறு போன்று. இங்ஙனமே அன்றோ கைங்கரிய ருசியுடையார் வார்த்தை இருப்பது? ²‘நான் உமக்கு எல்லா அடிமைகளையும் செய்வேன்,’ என்றாரே அன்றோ இளைய பெருமாள்? உகந்து உகந்து - பிரீதி மாறாதே செல்லும்படியாக. தொண்டரோங்கள் -இந்தக் கைங்கரியத்தில் இனிமை அறிந்த நாங்கள். ³‘கேசவன் தமர்’க்குப் பின் தனியர் அல்லராதலின், ‘தொண்டரோம்’ என்கிறார். பாடிஆட -பிரீதியினாலே தூண்டப்பட்டவர்களாகிப் பாடுவது ஆடுவதாம்படி. ‘இதுவாயின், ⁴முன்பே நாம் செய்வதாக இருந்தது ஒன்றே அன்றோ? இந்தச் சரீர சம்பந்தம் அற்றால், ஒரு தேச விசேடத்தில் கொண்டுபோய், ⁵‘மேலே சொல்லப் போகிற சாமத்தைப் பாடிக்கொண்டிருக்கிறான்’ என்னும்படி பண்ணுகிறோம்,’ என்ன, ‘அதுவோ நான் விரும்புகிறது? அன்று; இங்கேயே,’ என்கிறார் மேல் :

    சூழ் கடல் ஞாலத்துள்ளே - கடல் சூழ்ந்த இவ்வுலகத்துள்ளே நான் காண வரவேண்டும். என்றது, ‘எங்கேனும் விடாய்த்தாரை எங்கேனும் விடாய் தீர்க்க ஒண்ணாது என்கிறார்’

_____________________________________________________

1. ‘ஆசை’ என்பது, சிலேடை : ஆசையும் திக்கும் என்பது பொருள்.
  ‘திக்குப்பட்டேயன்றோ’ என்றது, ‘எண்திசையும்’ என்றதனைத் திருவுள்ளம்
  பற்றி. அவ்வாசை - அந்தத்திக்கு.

2. ஸ்ரீராமா. அயோத். 31 : 25.

3. ‘கேசவன் தமர்’ என்ற திருவாய்மொழி பாடியதற்குப் பிறகு என்றபடி. இது
  ‘திருவாய்மொழி, 2 : 7.  1.

4. ‘முன்பே’ என்றது, ‘பொய்ந்நின்ற’ என்ற திருப்பாசுரத்தைப் பாடிய போதே
  என்றபடி.

5. தைத்திரீய பிரு. 10.