தேவர்களுடைய வரத்தை ¹ஊட்டியாக இட்டுத் திருவுகிருக்கு இரை போரும்படியாக வளர்த்த மார்பாதலின், ‘அகல் மார்பம்’ என்கிறது.

    கிழித்து - ²நரசிம்ஹத்தினுடைய மொறாந்த முகத்தையும், நா மடிக்கொண்ட உதட்டையும், குத்துதற்கு முறுக்கின கையையும், அதிர்ந்த அட்டகாசத்தையும் கண்டவாறே, பொசுக்கின பன்றி போலே உருகினான் ஆயிற்றுப் பொன்னன். ஆகையாலே, பின்னர் வருத்தமின்றியே கிழித்துப் போகட்டான். ³நெற்றியது கண்ணும் உச்சியது புருவமுமாய்க்கொண்டு தோற்றின போது மரத்தினைப் பற்றியுள்ள நெருப்புப் போலே அச்சமாகிய நெருப்பு உள்ளே நின்று எரியப் புக்கவாறே பதஞ்செய்யுமே அன்றோ? உகந்த - ‘சிறுக்கனுடைய விரோதி போகப் பெற்றோமே!’ என்று உகந்தபடி. அன்றிக்கே, ⁴‘ஏ தேவனே! உன்னைத் துதித்த என்னிடத்தில் என் தமப்பனாருக்கு அதனால் உண்டான பாபமானது நாசம் அடையட்டும்,’ என்கிறபடியே, இவன்தான் காற்கட்டி ஆணையிடாதே, இவன்தானே ‘கொல்ல வேண்டும்’ என்று இசையப் பெற்றோமே அன்றோ என்று உகந்த உகப்பு என்னுதல்.

    வளர் ஒளிய கனல் ஆழி வலம்புரியான் - ⁵காவற்காட்டில் துஷ்ட மிருகங்களுக்கு ஊட்டி இட்டு வளர்க்குமாறு போலே, தேவர்களுடைய வரங்களை ஊட்டியாக இட்டு வளர்த்த பையலுடைய மார்பு முழுவதும் திரு உகிருக்கு அரை வயிறாம்படி ஆயிற்றே அன்றோ? ⁶ஒருவன் கை

_____________________________________________________

1. ஊட்டி - உணவு.

2. ‘பொன்னன் உரத்தைக் கிழிக்கப்போமோ?’ என்ன, அதற்கு விடை
  அருளிச்செய்கிறார், ‘நரசிம்ஹத்தினுடைய’ என்று தொடங்கி. மொறாந்த -
  திறந்த.

3. ‘உருக்குவதற்கு நெருப்பு எங்கே உள்ளது?’ என்ன, ‘நெற்றியதும் கண்ணும்’
  என்று தொடங்கி அதற்கு விடை அருளிச்செய்கிறார்.

4. ஸ்ரீ விஷ்ணு புரா. 1. 20 : 21. காற்கட்டி - தடை செய்து.

5. ‘கனல்’ என்று அடைமொழிக்குக் கருத்து அருளிச்செய்கிறார் ‘காவற்காட்டில்’
  என்று தொடங்கி.

6. ‘ஒருவன் கைபார்த்திருப்பார்’ என்று தொடங்கிச் சிலேடையாக
  அருளிச்செய்கிறார். கைபார்த்திருப்பார் - ‘ஒருவனுக்குப்
  பரதந்திரராயிருப்பார்’ என்பதும், ‘கையிலே இருப்பார்’ என்பதும் பொருள்.
  கைசெய்து - ‘துணை செய்து’ என்பதும், ‘கையிலே இருந்து’ என்பதும்
  பொருள்.