‘கானார் ஏனம்’ என்கிறார். ¹காடு அடங்கக் கோலம் செய்தலைக் குறித்தபடி. அன்றிக்கே, மனித சஞ்சாரம் இல்லாத காட்டிலே வாழ்கின்ற ஏனம் என்பார் ‘கானார் ஏனம்’ என்கிறார் என்னலுமாம்.

    இன்னம் கற்கி ஆம் - ²மேல் வரும் விரோதத்தைப் போக்குகைக்கும் இன்னம் கற்கியாக இருந்தான் என்றது, என் காரியம் சமைந்த பின்பும் “சம்சாரத்தில் நின்றும் கால் வாங்குந்தனையும் இவர்க்கு என் வருகிறதோ?” என்று கொண்ட குதை மாறுகின் றிலன் என்றபடி. ³நான் தப்புகைக்குப் பிறந்த பிறவிகளைப் போலவே போரும் அவன் என்னைக் காப்பாற்றுவதற்காகப் பிறந்த பிறவிகளும். ⁴நான் கர்மத்தாலே பிறந்த பிறவிகள் அடையத்தானும் அநுக்கிரஹத்தாலே பிறந்தான். கார் வண்ணனே-நீர்கொண்ட மேகம் போலே இருக்கின்றானத்தனை. மழை பெய்தானாய் இருக்கின்றிலன். வண்ணம் - ஸ்வபாவம். மீ்னாய் என்று தொடங்கி, என்னை முற்றவும் தான் ஆனான் என முடிக்க.

453 

    கார்வண்ணன் கண்ணபிரான் கமலத்தடங் கண்ணன் தன்னை
    ஏர்வள வொண்கழனிக் குருகூர்ச் சடகோபன் சொன்ன
    சீர்வண்ண வொண்தமிழ்கள் இவைஆ யிரத்துள் இப்பத்தும்
    ஆர்வண்ணத் தாலுரைப்பார் அடிக்கீழ்ப் புகுவார் பொலிந்தே.

____________________________________________________

1. ‘காடு அடங்கக் கோலம் செய்தலைக் குறித்தபடி’ என்றதில், ‘கோலம்’
  என்பது, சிலேடை: அழகு என்றும், வராகம் என்றும் பொருள்.

2. ‘மேல் வரும் விரோதத்தைப் போக்குகைக்கும்’ என்ற உம்மை, மேலே
  கூறிய ‘விரோதியைப் போக்குகைக்காக இரண்டு வடிவுகளைக் கொண்டான்’
  என்றதனைத் தழுவுகின்றது. கொண்ட குதை - கொண்ட உத்யோகம்.

3. பல அவதாரங்களைக் கூறியதற்குக் கருத்து அருளிச்செய்கிறார் ‘நான்
  தப்புகைக்கு’ என்று தொடங்கி.

4. இருவர் பிறவிகட்கும் காரணம் யாது? என்ன, ‘நான் கர்மத்தாலே என்று
  தொடங்கி அதற்கு விடை அருளிச்செய்கிறார்.